2 SAMUEL 7:13 - Dios Rimashcata Quillcashcami

¹³ Paimi ñuca huasitaca shayachinga. Paimanca huiñaita mandanatami cusha.

2 SAMUEL 7:13 Iomraidhean Croise

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

2 SAMUEL 22:51

Paimi, pai acllashca jatun mandacta macanacuita mishachishpa cushichin. Aceitehuan cahuishpa paipaclla ruhuashca runata llaquinmi. Chashnami ñucatapish, ñuca huahuacunatapish huiñaita llaquin» nirca.

2 SAMUEL 7:16

Cambac huasi ucupurapish, can mandanapish jaicapi mana tucuringachu. Shinallatac can mandashpa tiyanaca huiñaitami caticungalla’ ninmi” ningui» nirca.

2 SAMUEL 7:27

Israelcunapac tucuita Mandac Dios canllatacmi canta servic ñucataca: “Cambac huahuacunatami mandac cachun churasha” nircangui. Chaimantami canta servic ñucaca cambac ñaupapi cashna mañangapac sinchicushcani.

1 REYES 2:24

Mandac Diospac shutipimi nini: Paimi ñuca taita David mandashpa tiyarinapi pi mana cuyuchipacta ruhuashpa churarca. Pai nishca shinallatacmi ñuca huahua huahuacunapish, mandashpa causanga. Cunan Mandac Dios ricucucpimi, Adoniasca huañunga» nirca.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 2:45

Ashtahuanpish jatun mandac Salomón ñucaca bendiciashcami casha. David mandashpa tiyacushcapish, Mandac Diospac ñaupapica huiñaita pi mana cuyuchipacmi canga» nirca.

1 REYES 5:5

Shina cashcamanta ñucami ñucata Mandac Diospac shutipi mañana huasita shayachinata yuyarircani. Mandac Diosmi ñuca taita Davidtaca: “Can mandashpa causacushcapica cambac churitami cambac randi churasha. Paimi ñuca shutipi mañana huasitaca shayachinga” nishca carca.

1 REYES 6:12

«Can shayachishca huasimantaca caitami nisha nini. Ñuca quillcashcacunata cazushpa, ñuca huillashcata uyashpa, ñuca mandashca shimicunata tucui pactachishpa alli causacpica, cambac taita Davidman ima nishcataca canhuanmi pactachisha:

1 REYES 8:13

Shina cacpipish, ñucaca can causachunmi shuc huasita shayachircani. Chai huasipimi canca huiñaita causangui» nirca.

1 REYES 8:15

Shina shayacucpi paica: «Israelcunata Mandac Diosca alli nishca cachun. Ñuca taita Davidman pai ima nishcataca paipac maquihuan ruhuashpami pactachishca. Paica:

1 REYES 8:19

Shina cashpapish, huasitaca mana canchu shayachingui. Ashtahuanpish cambac churimi ñucata mañana huasitaca shayachinga” nishca carca.

2 REYES 21:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutita churasha» nishca carca.

2 REYES 21:7

Asera huarmi diosman ricchatapish Mandac Diospac huasipi churarcami. Mandac Dios chai huasimanta Davidtapish, paipac churi Salomontapish rimashpaca: «Ñuca huasi tiyacuc Jerusalén pueblotaca tucui Israel aillupuramantami acllarcani. Cai huasipimi ñuca shutitaca huiñaita causachun churasha.

2 REYES 8:19

Shina cacpipish, Mandac Diosca paita servic Davidta cuyashcamantami Judá llactata mana tucuchinata munarca. Mandac Diosca Davidmanpish, paipac huahua huahuacunamanpish huiñaitami lámpara japiricucta cusha nishca carca.

1 CRÓNICAS 28:10

Riqui, cunanca Mandac Diosca cantaca shuc huasita shayachishpa, paipaclla chicanyachichunmi acllarca. ¡Ama manchashpa, chaitaca ruhuailla!» nirca.

2 CRÓNICAS 33:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutica huiñaita canga» nishca carca.

2 CRÓNICAS 6:16

Israelcunata Mandac Dioslla, cunanca canta servic ñuca taita Davidman cushami nishcataca pactachiyari. Paitaca: “Cambac huahua huahuacunamanta, ñuca ñaupapi Israel llactata mandangapac tiyarinapi tiyaric runaca mana illangachu. Chaipacca ñuca ñaupapi can causashca shinallatac, cambac huahua huahuacuna ñuca mandashcata cazushpami alli causana can” nircanguimi.

JOB 36:7

Cashcata ruhuaccunataca cuidanmi. Jatun mandaccunahuan tiyarinapi tiyachishpami, huiñaipac jatunyachin.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

SALMOS 89:21

Tucuita ruhuac ñuca maquimi tucui causaipi paihuan canga. Ñuca rigrapish paita sinchiyachingami.

SALMOS 89:29

Paipac huahua huahuacunataca huiñaitami mandac cachun churasha. Pai mandashpa tiyarinapish jahua pacha shinami huiñaita canga.

SALMOS 89:4

«Huiñaitami cambac huahuacunatapish mandachun churasha. Cambac jatun tiyarinapica paicunami huahua huahuacunacaman tiyaringa» nircanguimi.

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 33:17

Chaimanta Mandac Diosca: Davidpac huahuapuramanta israelcunata mandashpa tiyarinapica jaicapi mana illangachu.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

ZACARÍAS 6:12

Chashna churachishpaca, tucuita Mandac Dios ñucaca: “¡Retoño shuti runaca ñallami shamunga! ¡Paica, paipac sapillamantatac huiñashpami, Mandac Dios ñuca huasitaca shayachinga!

ZACARÍAS 6:13

Paimi, Mandac Dios ñuca huasitaca shayachinga. Paica tucuipac alli nishcami canga. Pai mandashpa tiyarinapi tiyarishpami, tucuita mandanga. Paipac ladopica shuc curami shayacunga. Paihuanca shuc yuyaillami canga” ninimi.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

HEBREOS 3:3

Jesusca Moisesta yalli alli nishcami cana can. Chaica huasita ruhuacca, huasita yalli alli nishcami cana can.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.