2 SAMUEL 6:9 - Dios Rimashcata Quillcashcami

⁹ Chai punzhacunapi David Mandac Diosta manchashpaca: «¿Ima shinatac ñuca huasimanca Mandac Diospac Arcata apashayari?» nirca.

2 SAMUEL 6:9 Iomraidhean Croise

2 SAMUEL 6:8

Mandac Dios Uzata chashna huañuchishcamantami Davidca yallita llaquirishpa, chai pambataca Pérez-uzata shutichirca. Cunancamanmi chai shutillatac can.

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

SAN MATEO 25:25

Chaimantami can saquishca cullquitaca allpapi huacaichircani. Caipimi, cambac cullquica” nirca.

1 PEDRO 3:6

Sarapish paipac cusa Abrahamta cazushcamantaca, “ñucata mandac” nicmi carca. Cancunapish tucui imatapish allita ruhuashpa, imata mana manchashpaca, Sara huarmipac huahuacunami tucunguichic.

1 SAMUEL 6:20

Chaimantami Bet-semes pueblopi causaccunaca: «¿Pitac cai jucha illac Diospac ñaupapi shayari pudingayari? ¿Ñucanchic ladomantaca maimantac cachashunyari?» nirca.