2 SAMUEL 6:2 - Dios Rimashcata Quillcashcami

² Chai quipami, Davidca tucui paihuan cac gentecunandi, Judá llacta Baala pueblomanta Diospac Arcata apamungapac rirca. Chai Arcapimi tucuita Mandac Diosta mañac carca. Chaica querubincunapac chaupipimi carca.

2 SAMUEL 6:2 Iomraidhean Croise

2 SAMUEL 22:11

Shuc querubín nishcapi montashpami, jahua huairata ricurca. Huairapac alascunapimi ricurca.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

ISAÍAS 47:4

Chashnami ñucanchicta quishpichic nin. Paipac shutica tucuita Mandac Diosmi. Israelcunapac jucha illac Diosmi. Paica:

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

JOSUÉ 15:60

Shinallatac Quiriat-jearim nishca Quiriat-baal shinallatac Rabá pueblocunami carca. Ishcai pueblocunami muyundi uchilla llactacunandi carca.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

1 SAMUEL 4:4

Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.

1 SAMUEL 6:21

Chaimanta Quiriat-jearim pueblopi causaccunapacman huillaccunata cachashpaca: «Mandac Diospac Arcataca filisteocunaca ñami cutichirca. Cunanca apangapac utca huichai shamuichic» nichunmi cacharca.

1 SAMUEL 7:1

Quiriat-jearim pueblopi causaccuna shamushpami, Diospac Arcata apashpa shuc lomapi cac Abinadabpac huasipi churarca. Mandac Diospac Arcata cuidashpa causachunca Abinadabpac churi Eliazartami Diospaclla cachun acllarca.