2 SAMUEL 5:7 - Dios Rimashcata Quillcashcami

⁷ Chashna nicucpipish, Davidca jatun torrehuan jarcashca Sión pueblotaca japircami. Chai puebloca Davidpac pueblomi.

2 SAMUEL 5:7 Iomraidhean Croise

2 SAMUEL 5:8

Chai punzhami Davidca: «Jebuseocunata huañuchingapac riccunaca toma yacuta catishpa, ñucata mana ricunayachic ñahui mana ricuccunata, suchucunata huañuchinguichic» nirca. Chaimantami: «Ñahui mana ricuccunapish, suchucunapish Mandac Diospac huasimanca mana yaicungachu» nirca.

2 SAMUEL 5:9

Davidca chai jatun torrehuan jarcachishca pueblopi causashpami Davidpac pueblo nishpa cayarca. Shinallatac Milo pushtumanta callarishpaca pai tiyana huasicaman jatun pircata ruhuachirca.

2 SAMUEL 6:10

Mandac Diospac Arcataca paipac pueblomanca ña mana apasha nircachu. Chaipac randica geteocunapuramanta Obed-edompac huasimanmi apachun mandarca.

2 SAMUEL 6:12

Jatun mandac Davidmanca: «Obed-edompac huasipi Diospac Arca cashcamantami paipac familiatapish, paipac ima charishcacunatapish Mandac Diosca bendiciashca» nishpa huillashcata yachac chayashpami, Davidca cushicushpa, Obed-edompac huasimanta paipac puebloman Arcataca aparca.

2 SAMUEL 6:16

Mandac Diospac Arcahuan David paipac puebloman saltarishpa, danzashpa shamucucta Saulpac ushi Mical ventanamanta ricushpami, paipac shungupi Davidca mana allichu nirca.

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

1 REYES 3:1

Jatun mandac Salomonca Egipto llactata jatun mandac Faraonpac ushihuan cazarashpami familiapura tucurca. Paica Faraonpac ushi paipac huarmitaca Davidpac pueblomanmi pushamurca. Salomonca pai mandashpa tiyana huasitapish, Mandac Diospac huasitapish, Jerusalén pueblo muyundi pircatapish ruhuangacamanmi chaipi charirca.

1 REYES 8:1

Tucuita ruhuashca quipami Salomonca paipac ñaupaman israelcunata pushac yuyaccunata, Israel aillucunata tucui mandaccunata, Israel familiacunata mandaccunata Jerusalenman tandachirca. Paicunataca Mandac Dios ari nishca quillcata huacaichina Arcata Davidpac pueblo Sionmanta apamungapacmi tandachirca

1 REYES 9:24

Faraonpac ushipish, Davidpac pueblomanta huichai rishpami, Salomón paiman ruhuashpa cushca huasipi causagrirca. Chai quipami Salomonca Milo nishca pushtutapish ruhuarca.

1 CRÓNICAS 11:7

Chai quipami Davidca muyundita pircashca pueblopi causagrirca. Chaimantami Davidpac Pueblo nincuna.

2 CRÓNICAS 24:16

Pai huañucpica, Davidpac pueblopimi jatun mandaccunata enterrashca ladopi enterrarca. Paitaca israelcunamanpish, Mandac Diosmanpish, Diospac huasipipish allita ruhuashcamantami chaipi enterrarca.

2 CRÓNICAS 5:2

Salomonca tucui israelcunata pushac yuyaccunata, aillucunata tucui mandaccunata, familiacunata mandaccunatami Arcata Davidpac Sión puebloman apangapac Jerusalenpi tandachirca.

NEHEMÍAS 3:15

Colhozepac churi Salumca Mizpa llactatami mandacurca. Paimi callpacuc yacuman llucshina punguta allichirca. Paica caspicunata churashpa, jarcana caspicunata, aldabacunata churashpami saquirca. Pircataca jatun mandacpac huerta ladopi tiyac Siloé yacu jundu ladomanta, Davidpac puebloman rina gradacamanmi allichirca.

SALMOS 132:13

Mandac Dios Sión pueblota acllashpa, chaipi causanata munashpaca:

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 48:12

Sión pueblo muyundita purigrichic. Mashna torrecuna tiyashcata yupaichic.

SALMOS 48:3

Chai pueblopi tiyac mandana huasipica Mandac Diosmi tiyacun. Paica tucuipac ricsishca samarina Diosmi can.

SALMOS 51:18

Can cuyashcamanta Sión urcupac allita ruhuaiyari. Jerusalén muyundi pircata cutin shayachiyari.

SALMOS 87:2

Mandac Diosca Sión pueblo pungucunatami Jacobopac tucui pueblocunata yalli cuyan.

SALMOS 9:11

Sionpi causac Mandac Diostaca cantaichicyari. Pai ruhuashcacunata shuccunamanpish huillaichicyari.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 59:20

Mandac Diosca: «Sión urcumanmi quishpichicca shamunga. Millaita ruhuanata saquishca Jacobopac huahua huahuacunapacmanmi shamunga» ninmi.

JEREMÍAS 21:13

Pugru pamba chaupipi tiyac jatun rumi jahuapi causaccunalla, ñucallatacmi cancunataca llaquichingapac shayarini. Cancunaca: ‘¿Pitac ñucanchic-huan macanacungapac shamui pudinga? Ñucanchic causacuc pushtumanca, ¿pitac yaicui pudinga?’ ninguichicmi.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

APOCALIPSIS 14:1

Chai quipaca Sión urcu jahuapi Pactalla Oveja shayacuctami ricurcani. Paihuanca pasac chuscu chunga chuscu huaranga quishpirishcacunami frentepi Pactalla Ovejapac shutita, shinallatac Diospac shutita quillcashca carcacuna.