2 SAMUEL 5:5 - Dios Rimashcata Quillcashcami

⁵ Canchis huata sucta quillatami Hebrón pueblopi mandarca. Chai quipaca quimsa chunga quimsa huatatami Israel llactatapish, Judá llactatapish Jerusalén pueblopi causashpa mandarca.

2 SAMUEL 5:5 Iomraidhean Croise

2 SAMUEL 12:8

Cambac amopac mandanatapish, paipac huarmicunatapish canman curcani. Shinallatac Israel llactatapish, Judá llactatapish can mandachun curcanimi. Chaicunata cushca jahuapish, ashtahuan mirachishpami cuiman carcani.

2 SAMUEL 2:11

Davidca canchis huata sucta quillatami Judá gentecunataca Hebrón pueblopi mandarca.

2 SAMUEL 2:4

Chaipimi Judá llactapi causaccuna shamushpa, aceitehuan cahuishpa, paicunata mandac cachun churarca. Chaipi cacpimi Davidtaca: “Saulta Galaad llacta Jabes pueblopi causaccunami enterrarca” nishpa huillarca.

1 REYES 2:11

Israelcunata David mandashca huatacunaca chuscu chunga huatami carca. Hebrón pueblopica canchis huatatami mandarca. Jerusalenpica quimsa chunga quimsa huatatami mandarca.

1 CRÓNICAS 11:3

Israelcunata pushac tucui yuyaccunami jatun mandacpacman Hebrón puebloman shamurcacuna. Shina shamucpimi, Davidca Hebrón pueblopi Mandac Diospac ñaupapi paicunahuan ari ninacurca. Mandac Dios Samuelman huillashca shinallatacmi israelcunata jatun mandac cachun Davidtaca aceitehuan cahuirca.

1 CRÓNICAS 29:27

Paica Israel llactataca chuscu chunga huatatami mandarca. Canchis huatataca Hebrón pueblopimi mandarca. Quimsa chunga quimsa huatataca Jerusalenpimi mandarca.

1 CRÓNICAS 3:4

Cai sucta churitaca Hebrón pueblopimi charirca. Chai pueblopimi canchis huata sucta quillata mandarca. Jerusalenpica quimsa chunga quimsa huatatami mandarca.