2 SAMUEL 4:6 - Dios Rimashcata Quillcashcami

⁶ Huasita cuidacca trigotami huairachicurca shina cashpapish sueñushpami saquirirca. Chaipimi Recabpish paipac huauqui Banaapish ucuman yaicurcacuna.

2 SAMUEL 4:6 Iomraidhean Croise

2 SAMUEL 2:23

Chashna nicpipish, llaquichingapac catinata mana saquisha nicpimi, Abnerca lanzata huicsapi satishpa lomoman pasachirca. Asaelca chai pamballapitacmi huañurca. Shina huañushca cacpimi, chaita pasaccunaca Asael huañushcata shayarishpa ricurca.

2 SAMUEL 20:10

Amasaca Joab maquipi espadata charicushcataca mana ricurcachu. Chaipimi Joabca espadata puzunpi satishpa, chunzhullita pambapi tallirca. Chashnami manarac shuc-huan saticpi ña huañurca. Quipataca Joabca paipac huauqui Abisaihuanmi Bicripac churi Sebata huañuchingapac catirca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

2 SAMUEL 4:2

Saulpac churica shuhuaccunata pushac ishcai runacunatami charirca. Paicunaca shucca Baaná, shucca Recabmi carca. Paicunaca Benjaminpac aillupuramanta Beerot pueblomanta Rimonpac churicunami carca.

JUECES 3:26

Chashna paicuna shuyacucpica, Aodca ñami miticushpa callpashca carca. Paica Gilgal pueblo cuchullapi tiyac dioscuna tiyana pambata pasashpami Seirat pambapi miticurca.