2 SAMUEL 3:1 - Dios Rimashcata Quillcashcami

¹ Saulpac huasi ucupurahuan, Davidpac huasi ucupurahuan macanacuica unaitami catirca. Shina cacpipish Davidpac huasimi ashtahuan sinchiyashpa caticurca. Cutin Saulpac huasica fuerza illacmi saquiricurca.

2 SAMUEL 3:1 Iomraidhean Croise

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

2 SAMUEL 2:17

Chai punzha macanacuica yalli sinchimi carca. Chaipimi Abnertapish, israelcunatapish Davidpac serviccunaca atirca.

2 SAMUEL 2:28

Chai quipami Joabca paipac soldadocunataca cornetapi tocashpa, ama ashtahuan catichun jarcachirca. Chaipica ña mana ashtahuan macanacurcacunachu.

2 SAMUEL 22:44

Ñuca llacta gentecuna llaquichisha nicpipish, quishpichircanguimi. Llactacunata mandac cachunmi huacaichircangui. Ñuca mana ricsishca gentecunami servirca.

2 SAMUEL 3:6

Saulpac huasi ucupurahuan, Davidpac huasi ucupurahuan macanacushpa caticucpica, Saulpac churi Abnermi ashtahuan sinchi tucushpa atirca.

2 SAMUEL 5:10

Mandac Dios Davidhuan cashcamantami paica punzhanta ashtahuan ashtahuan sinchi tucushpa catirca.

1 REYES 14:30

Roboamca Jeroboamhuanmi tucui causaipi macanacushpalla causarca.

1 REYES 15:16

Asahuan, Israel llactata jatun mandac Baasahuanca tucui pachami macanacushpa causarcacuna.

1 REYES 15:32

Asahuan, Israel llactata jatun mandac Baasahuanca tucui pachami macanacushpa causarcacuna.

1 CRÓNICAS 11:9

Davidca Mandac Dios paihuan cacpimi, ashtahuan ashtahuan jatunyashpa catirca.

1 CRÓNICAS 3:1

Hebrón pueblopi, Jezreel pueblomanta Ahinoam huarmipi charishca Davidpac punta churica Amnonmi carca. Quipa churi Danieltaca Carmel pueblomanta Abigaíl huarmipimi charirca.

ESTER 6:13

Amán chayashpa paipac huarmi Zeresmanpish, paipac ricsishcacunamanpish tucui ima tucushcata huillacpica alli yachac paihuan apanacuccunapish, paipac huarmi Zerespish Amantaca: —Judá llactamanta Mardoqueopac ñaupapi llaqui tucushpaca mana ati pudinguichu. Ashtahuanpish paipac ñaupapica urmashpami tucuringui— nircacuna.

ESTER 9:4

Jatun mandac mandana huasipica Mardoqueomi tucuimanta yalli alli mandac carca. Paica tucui llactacunapimi ricsishca carca. Punzhantami ashtahuan ashtahuan alli nishca tucurca.

JOB 17:9

Ashtahuanpish cashcata ruhuac runaca, cashcata ruhuashpa caticungallami. Ima mana allita ruhuac chuya maqui runaca ashtahuanmi sinchi tucunga.

JOB 8:7

Can utcapi ashallata charishca cashpapish quipa punzhapica ashtahuanmi charingui.

SALMOS 18:43

Ñuca llacta gentecuna yallita juchanchicpipish, quishpichishpami llactacunata jatun mandacta ruhuarcangui. Ñuca mana ricsishca gentecunapish ñucata servircacunami.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

SALMOS 84:7

Purishpa rishpami, ashtahuan fuerzata japincuna. Sión urcupimi Diostaca ricungacuna.

GÁLATAS 5:17

Millai munaicunaca Diospac Espiritupac munaitaca piñanmi. Diospac Espiritupish millai munaicunataca piñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

APOCALIPSIS 6:2

Shina nicpi ñuca ricushpaca, yuranlla caballotami ricurcani. Chai caballopac jahuapi tiyacucca shuc arcotami apashca carca. Paiman coronata cucpimi, atishpa mishangapac llucshirca.