2 SAMUEL 22:4 - Dios Rimashcata Quillcashcami

⁴ Mandac Diostami mañasha. Paitaca alli ninatacmi cani. Ñucata piñaccunapac maquimantaca quishpichishcami casha.

2 SAMUEL 22:4 Iomraidhean Croise

2 CRÓNICAS 20:22

Alli nishpa cantai callarincami Mandac Diosca Judá llactapi causaccunahuan macanacungapac shamuc amonitacunata, moabitacunata, Seir urcumanta shamuccunataca pacalla chapashpa huañuchichun churarca. Shina ruhuacpimi paicunapurallatac caishuc chaishuc huañuchinacurca.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

SALMOS 106:2

¿Pitac Mandac Dios sumaimanacunata ruhuashcataca huillai pudingayari? ¿Pitac paita tucui alabanacunataca uyachingayari?

SALMOS 116:13

Quishpichishcata ricuchic copata alzashpami, Mandac Diospac shutita mañacushalla.

SALMOS 116:17

Canta pagui nishpami, animalta huañuchishpa canman cusha. Mandac Dioslla, cambac shutitami mañasha.

SALMOS 116:2

Paipac ringrihuanmi ñuca mañashcata uyarca. Chaimantami tucui ñuca causaipi paita mañacushalla.

SALMOS 116:4

Chaimantami Mandac Diostaca: «¡Mandac Dioslla, ñucata quishpichiyari!» nishpa mañarcani.

SALMOS 18:3

Mandac Dios cantami mañasha. Canca alabanatacmi cangui. Canta mañashpami piñaccunapac maquimanta quishpichishca casha.

SALMOS 34:6

Cai huaccha runa caparishpa mañacpica, Mandac Diosca uyashpami tucui llaquicunamanta llucchirca.

SALMOS 48:1

¡Mandac Diosca paipac urcupi tiyac paipaclla pueblopica, yallita alli nishcami cana can!

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 55:16

Ashtahuanpish ñucaca, Diostami caparishpa mañasha, Paica ñucata quishpichingami.

SALMOS 56:9

Ñuca canta mañai punzhaca ñucata piñaccunaca cutishpa callpangacunami. Dios ñuca ladopi cashcataca yachanitacmi.

SALMOS 66:2

Paipac sumaimana shutita cantaichic. Paitaca sumac tonohuan alli nichic.

SALMOS 96:4

Mandac Diosca jatunmi. Tucuimanta yalli alabana Diosmi. Tucui dioscunamanta yalli manchana Diosmi.

ROMANOS 10:13

Dios quillcachishcapica: “Maijanpish Mandac Diosta mañacca quishpiringami” ninmi.

APOCALIPSIS 4:11

«¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic» nishpami, alli nicurcacuna.

APOCALIPSIS 5:12

Paicuna sinchita rimashpaca: «Diosman cushpa huañuchishca Pactalla Ovejallami, poderta charic, tucuita charic, tucuita yachac, imatapish ruhuac, alli nishca sumaimana nishca, ¡tucuimanta yalli jatun nishca cana can!» nircacuna.