2 SAMUEL 2:5 - Dios Rimashcata Quillcashcami

⁵ Shina huillacpimi, Davidca Galaad llacta Jabes pueblopi causaccunapacman huillaccunata cachashpaca: «Cancunata mandac Saulta llaquishpa enterrashcamantaca Mandac Dios bendiciachun.

2 SAMUEL 2:5 Iomraidhean Croise

GÉNESIS 14:19

llucchishpaca: «Jahua pachata, cai pachata ruhuac Dios canta bendiciachun.

GÉNESIS 14:22

Shina nicpimi, Abram Sodoma pueblota jatun mandactaca: —Can: “Ñucami cantaca chayucyachini” ama nichunmi, jahua pachatapish, cai pachatapish ruhuac Mandac Diosman

2 SAMUEL 15:20

Canca cainallami shamurcangui. ¿Ima shinatac cantaca ñucahuan jacu nishayari? Ñucapish maiman ricushcata mana yachanichu, ashtahuanpish cutishpa rilla. Cambac ricsishcacunatapish pushashpa ri. Mandac Dios canta maiman ricpipish pushachun— nirca.

2 SAMUEL 21:12

Chaimantami Davidca Saulpac, paipac churi Jonatanpac tullucunata apangapac Galaad llacta Jabes puebloman rirca. Chai pueblopi causaccunami filisteocuna Saulta Gilboa urcupi atishpa huañuchishpa, Bet-seán pueblo plazapi huarcushcata shuhuashca carca.

SALMOS 115:15

Cancunataca jahua pachata cai pachata ruhuac Mandac Dios bendiciachun.

JOSUÉ 2:14

Shina nicpimi, chai runacunaca: —Cancuna ñucanchicmanta mana huillashpa, upalla cacpica, ñucanchicca causashunmi, shinallatac cancunapish causanguichicmi. Cai llactata ñucanchicman Mandac Dios cucpica, ñucanchicpish cancunata llaquishpa, mana huañuchishunchu. Chaitaca pactachishuntacmi— nirca.

JUECES 21:8

Shinallatac paicunaca: «¿Israel aillupuramanta maijan aillu cai Mizpa puebloman Mandac Diospac ñaupaman mana shamushpa saquirishcangachu?» nishpa tapurca. Jabes-galaad llactapi causaccunaca shucllapish chai tandanacuimanca mana rishcachu carca.

RUT 1:8

Chashna cuticushpami Noemica paipac ishcai nueracunataca: —Cancunaca, quiquin taitacunapac huasiman cutichiclla. Cancunapac huañushca cusacunahuanpish, ñucahuanpish allimi causarcanguichic. Chashnallatac Mandac Diospish cancunata llaquichun.

RUT 2:20

Shina nicpimi, Noemica paipac nuerataca: —¡Paitaca, Mandac Dios bendiciachun! Paica huañushcacunatapish, ñucanchic causaccunatapish llaquishcami— nirca. Chai quipaca: —Chai runaca ñucanchicpac familiamari. Paimi ñucanchicta ayudai pudinga— nirca.

RUT 3:10

Shina nicpimi Boozca: —Ñuca huahualla, cantaca Mandac Dios bendiciachun. Cunan can ruhuashpaca puntapi ruhuashcata yallimi allita ruhuashcangui. Mosocunataca charictapish, mana charictapish mana mashcangapac rishcanguichu.

1 SAMUEL 11:1

Chai quipami amonitacunata mandac Nahasca llactapi cac Jabes-galaad llactapi causaccunahuan macanacungapac soldadocunahuan huichai rishpa, carpa huasicunata shayachishpa tiyarirca. Ashtahuanpish Jabes llactapi causaccunaca Nahastaca: —Ñucanchic-huan mana macanacungapac ari ni. Shina ari nicpica, canta servishpami causashun— nirca.

1 SAMUEL 11:9

Chai quipami huillangapac shamuc runacunataca: —Galaad llactapi cac Jabes pueblopi causaccunataca: “Caya punzha inti yallita rupachicuc horasmi cancunataca quishpichishun” ninmi nigrichic— nirca. Huillac runacunaca Jabes puebloman cutimushpaca tucui ima nishcatami huillarca. Shina huillacpimi, chaipi causaccunaca yallita cushicurca.

1 SAMUEL 15:13

Samuel Saulpacman chayacpimi paica: —¡Cantaca Mandac Dios bendiciachun! Mandac Dios mandashcataca ñami pactachini— nirca.

1 SAMUEL 23:21

Shina nicpimi Saulca: —Cancuna ñucata llaquishpa, huillangapac shamushcamantaca Mandac Diosllatac bendiciachun.

1 SAMUEL 24:19

Shuc runa paita piñacta paipac maquipi charicushpaca ¿Mana imata ruhuashpa richun cacharishpa cachanmanllachu? ¡Cunan punzha ñucata can mana huañuchishcamantaca Mandac Diosllatac canman allicunata cuchun!