2 SAMUEL 2:23 - Dios Rimashcata Quillcashcami

²³ Chashna nicpipish, llaquichingapac catinata mana saquisha nicpimi, Abnerca lanzata huicsapi satishpa lomoman pasachirca. Asaelca chai pamballapitacmi huañurca. Shina huañushca cacpimi, chaita pasaccunaca Asael huañushcata shayarishpa ricurca.

2 SAMUEL 2:23 Iomraidhean Croise

2 SAMUEL 2:24

Shina cacpipish, Joab, Abisaica Abnerta llaquichingapacmi ashtahuan catircacuna. Gía pueblo chimbapurapi tiyac Amma lomaman chayacpica, ñami inti tigrarca. Gía puebloca Gabaón shitashca pambaman rina ñan cuchupimi carca.

2 SAMUEL 20:10

Amasaca Joab maquipi espadata charicushcataca mana ricurcachu. Chaipimi Joabca espadata puzunpi satishpa, chunzhullita pambapi tallirca. Chashnami manarac shuc-huan saticpi ña huañurca. Quipataca Joabca paipac huauqui Abisaihuanmi Bicripac churi Sebata huañuchingapac catirca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

2 SAMUEL 3:30

Joab, paipac huauqui Abisaimi Gabaón macanacuipi paicunapac huauqui Asaeltaca huañuchishcamanta Abnertaca huañuchirca.

2 SAMUEL 4:6

Huasita cuidacca trigotami huairachicurca shina cashpapish sueñushpami saquirirca. Chaipimi Recabpish paipac huauqui Banaapish ucuman yaicurcacuna.

2 SAMUEL 5:6

Jatun mandac Davidca paipac runacunata pushashpami Jerusalenpi causac jebuseocunahuan macanacungapac rirca. Chaipimi paicunaca Davidtaca: «Canca cai pueblomanca mana yaicui pudinguichu. Ñahui mana ricuccunapish, suchucunapish, Davidca mana cai pueblomanca yaicungachu» nishpami mana yaicuchun saquinga nirca.