2 SAMUEL 17:9 - Dios Rimashcata Quillcashcami

⁹ Cunanllatacmi paica mai jatun jutcupi, mana cashpaca mai shuctac ladopi miticushca canga. Macanacui callaricpi, cambac gentecuna maijancuna huañucpica, chaita maijan yachashpaca: “Absalonpac gentecunaca huañushcami” ningacunami.

2 SAMUEL 17:9 Iomraidhean Croise

2 SAMUEL 17:10

Chaita uyashpaca, león piñaric shina shunguta charic sinchi runapish yallita manchashpa, yuyai illac shinami saquiringa. Tucui israelcunami cambac taita alli sinchi cashcata, paipac runacunapish macanacunata alli yachac cashcata yachancuna.

2 SAMUEL 17:8

Husaica caitapish nircami: —Cambac taitapish, paipac runacunapish sinchi cashcataca canllatac yachanguimi. Cunancarin huahuacunata quichucpi, mama oso piñaric shinami canga. Chai jahuapi cambac taitaca macanacunata alli yachacmi. Chaimanta mana cunan tutaca gentecunahuan chaipi pacaricungachu.

JEREMÍAS 41:9

Ismael huañuchishpa cuerpocunata shitashca jutcuca jatun jutcumi carca. Chai jutcutaca Judá llactata jatun mandac Asami Israel llactata jatun mandac Baasa macangapac shamucpi, miticungapac ruhuashca carca. Chai jutcupimi Netaniaspac churi Ismaelca huañushcacunata jundachirca.

JOSUÉ 7:5

Hai pueblopi causaccunaca israelcunataca quimsa chunga sucta runacunatami huañuchirca. Chashnami chai pueblo pungumanta Sebarím pambacaman catishpa, chai urai rina ñanpi macashpa atirca. Chaimantami israelcunaca chucchushpa, yallita mancharca.

JOSUÉ 8:6

Paicunaca ñucanchicta chai pueblomanta achcata caruyangacamanmi catingacuna. Paicunaca: “Puntapi shinallatacmi ñucanchicpac ñaupamanta callpancuna” nishpami catingacuna. Chashnami paicunapac ñaupamanta achcata rishun.

1 SAMUEL 22:1

David chaimanta rishpaca Adulam jatun jutcupimi miticungapac rirca. Chaipi cacta yachashpami paipac huauquicunapish, paipac taitapac huasi familiapish paipacman rirca.

1 SAMUEL 23:22

Cunanca, maipi miticushca pushtuta alli ricushpa ricsigrichic. Pi ricushcatapish, alli yachaichic. Paica yalli vivo cashcatami ñucamanca huillancuna.

1 SAMUEL 24:3

Shina ricushpami, oveja corral ladoman chayarca. Chai ladopimi shuc jatun machai tiyarca. Chai machaimanmi Saulca allichiringapac yaicurca. Chai machaillapitacmi ashtahuan ucuman Davidpish, paipac runacunapish miticushpa tiyacurca.