2 SAMUEL 16:3 - Dios Rimashcata Quillcashcami

³ Shina nicpimi, jatun mandac Davidca: —¿Cambac amopac churica maipitac?— nishpa tapurca. Shina tapucpimi Sibaca jatun mandactaca: —Paica: “Ñuca aillu mandanataca cunan punzhallatacmi israelcunaca ñucaman cunga” yuyashpami Jerusalenllapitac saquirca— nirca.

2 SAMUEL 16:3 Iomraidhean Croise

2 SAMUEL 16:4

Shina nicpimi, jatun mandacca Sibataca: —¡Riqui, tucui Mefi-bosetpac cashcacunaca cambacmi canga!— nirca. Shina nicpimi, Sibaca jatun mandacpac ñaupapi cumurishpa: —Jatun mandac ñuca amitolla, ñucaca cambac ñaupapi alli ricurishpami alli caiman— nirca.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 15:3

paipac calluhuan mana pita llaquichic, shuccunata ima llaquita mana ruhuac, paipac vecinota mana piñachicmi chaipica causanga.

SALMOS 88:18

Ñucahuan puriccunatapish, ricsishcacunatapish ñucamanta caruyachishcanguimi. Amsallatami ñucahuan cachun saquishcangui.

ÉXODO 20:16

Ama yanga pitapish juchanchishpa llaquichingui.

PROVERBIOS 1:19

Ima shinapish chayucyanata munaccunataca chai charishcallatacmi causaita quichun.

PROVERBIOS 21:28

Llullashpa huillac runaca huañungami. Ashtahuanpish allita uyac runaca allimi llucshinga.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.