2 SAMUEL 13:4 - Dios Rimashcata Quillcashcami

⁴ Jonadab tapushpaca: —Jatun mandacpac churilla, ¿ima nishpatac punzhanta chashna tulluyashpa ricunguiyari? ¿Ima nishpatac ñucamanca ima tucushcata mana parlangui?— nirca. Shina nicpimi Amnonca: —Ñucaca, ñuca huauqui Absalonpac pani Tamartami yallita munani— nirca.

2 SAMUEL 13:4 Iomraidhean Croise

2 SAMUEL 13:3

Amnonca Davidpac huauqui Simeapac churi Jonadabhuanmi apanacuccuna carca. Jonadabca yuyaisapami carca.

2 SAMUEL 13:5

Shina nicpimi Jonadabca: —Unguc tucushpa, cambac camapi siriri. Cambac taita ricuc shamucpica: “Ñucaman carangapac ñuca pani Tamar shamushpa, ñuca ñaupapi micunata ruhuashpa, paipac maquihuan carachunmi munani” ningui— nirca.

1 REYES 21:5

Chashna cacpimi, paipac huarmi Jezabel paipacman shamushpaca: —¿Ima nishpatac cambac shungupica yallita llaquirishca cangui? ¿Micunatapish mana micusha ningui?— nirca.

1 REYES 21:7

Shina nicpimi, paipac huarmi Jezabelca: —¿Manachu canca Israel llactata jatun mandac cangui? Jatarishpa micushpa cushicui. Jezreel pueblopi causac Nabotpac uvas chagrataca ñucami cusha— nirca.

ISAÍAS 3:9

Paicunapac ñahuillatacmi paicunapac juchataca ricuchicun. Sodoma pueblopi causaccuna shinami, tucuipac ricuipi juchata ruhuancuna. Imatapish mana pinganchu. ¡Aij, paicunapac almalla, imachari tucunga! Paicunallatacmi jatun llaquitaca yallita mirachishca.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

LEVÍTICO 18:9

Ama taitapac, mana cashpaca cambac mamapac huahuahuan chayaringuichu. Quiquin huasipi huacharishca cacpipish, shuctac huasipi huacharishca cacpipish, ama chayaringuichu.

LEVÍTICO 20:17

Maijanpish taitamanta panihuan, mamamanta panihuan chayarinacushpaca mancharina pingaitami ruhuan. Chaimantaca paicunapac llacta gentecuna ricucucpi, ishcaitac huañuchishcami canga. Quiquin panihuan mancharina pingaita ruhuashpaca paillatacmi juchata aparinga.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

SAN LUCAS 12:32

Cancunaca ashalla ovejacuna shina cashpapish ama manchaichicchu. Diosmi cushicushpa cancunahuan mandasha nicun.