2 SAMUEL 12:9 - Dios Rimashcata Quillcashcami

⁹ ¿Ima nishpatac ñuca nishcataca mana uyashpa, ñucapac ñaupapi mana allita ruhuarcangui? Heteopuramanta Uriaspac huarmita japingapacmi Uriastaca huañuchircangui. Canca Amón llacta gentecunapacman cachashpami huañuchichishcangui.

2 SAMUEL 12:9 Iomraidhean Croise

2 SAMUEL 11:4

Chashna huillacpimi, Davidca paita serviccunata chai huarmita pushachun cacharca. Ña pushamucpica, Davidca chai huarmipi chayarircami. Chai quipaca, chai huarmica huasiman cutishpa rircallami. Chai huarmica quilla ungüi pararishca cacpi, mapa illac cangapacmi armaricurca.

2 SAMUEL 12:10

Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

2 SAMUEL 16:7

Simei maldiciashpaca: «¡Huañuchic millai runa caimanta llucshi!

1 REYES 15:5

Davidca tucui paipac causaipimi alli ruhuashpa, ima mandashcacunatapish pactachishpa Mandac Diospac ñaupapi causarca. Paica heteopura Uriasta llaquichishpallami, Diostaca nanachirca.

1 REYES 21:19

Paita rimashpaca: “Mandac Diosca: ‘¿Nabotta huañuchishca jahuachu allpatapish japicungui? Maipimi Nabotpac yahuarta allcucuna lambirca, chaillapitacmi cambac yahuartapish allcucuna lambinga’ ninmi” nigri» nirca.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

SALMOS 51:14

Ñucata quishpichic Dioslla, huañuchiccunamanta huacaichiyari. Can cashcata ruhuac cashcamantami ñuca calluhuanca canta cantasha.

SALMOS 51:16

Animalta canman cushpa huañuchichunpish, animalta canman cushpa tucui rupachichunpish mana munanguichu.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

SALMOS 90:8

Ñucanchic millaita ruhuashcataca cambac ñaupapimi ricuchingui. Ñucanchic pacalla ruhuashca juchacunapish, cambac ñahuipi tucuimi ricuricun.

PROVERBIOS 14:2

Allita ruhuashpa causac runaca Mandac Diostami manchan. Ashtahuanpish mana allita ruhuac runaca mana ricunayachinchu.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

JEREMÍAS 18:10

Ashtahuanpish ñuca rimashcata mana cazushpa, ñuca ñaupapi mana allita ruhuacpica, paicunaman allita ruhuanata yuyarishcataca saquishami.

AMÓS 2:4

Mandac Diosca: «Judá llactapi causaccunataca, paicuna catipi quimsa cutin, chuscu cutin juchallishcamanta llaquichinata manatac saquishachu. Paicunaca Mandac Dios ñuca mandashcata yangami churashpami, pai yachachishcacunatapish mana cazurca. Paicunapac ñaupa taitacunapac dioscunata catishpami pandarirca.

1 SAMUEL 15:19

¿Ima nishpatac Mandac Dios mandashcata mana cazushpa, chai piñaccunapac ima tiyashcacunata apamushpa, Mandac Diospac ñaupapica mana allita ruhuarcangui?— nirca.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.

1 SAMUEL 15:26

Shina nicpimi, Samuelca Saultaca: —Canhuanca mana cutishachu. Canca Mandac Diospac shimitami yangapi churarcangui. Chaimantami Mandac Diospish cantaca yangapi churashpa, Israel llactata jatun mandac cashcamanta anchuchigrin— nirca.