2 SAMUEL 11:1 - Dios Rimashcata Quillcashcami

¹ Chai quipa huatami tucui jatun mandaccuna macanacuiman llucshina punzha chayacpi, Davidca Joabta paita serviccunahuan, tucui israelcunahuan Amón llactapi macanacuchun cacharca. Shina cachacpimi, Amón llacta gentecunata tucuchishpa, Rabá pueblota japingapac chai pueblo muyundita shayarirca. Shina cacpipish, Davidca Jerusalenpimi saquirirca.

2 SAMUEL 11:1 Iomraidhean Croise

2 SAMUEL 10:14

Siriocuna miticushpa callpacta ricushpami, Amón llacta runacunapish Abisaipac ñaupamanta callpashpa pueblopi yaicurca. Shina callpacpimi, Joabca Amón llacta runacunahuan mana macanacushpa Jerusalenman cutirca.

1 REYES 20:22

Chai quipami, Dios ima nishcata huillac runaca Israel llactata jatun mandacpacman shamushpaca: —Caimanta rishpaca, ashtahuan fuerzata japishpa, imata ruhuangapacpish alli yuyaringui. Siria llactata jatun mandacca caimanta huata quipaca, cutinmi canhuan macanacungapac shamunga— nirca.

1 REYES 20:26

Ña huata quipami, Ben-adadca Siria llacta soldadocuna macanacungapac ña allichirishcata ricushpa, israelcunapish macanacungapac Afec puebloman rirca.

1 CRÓNICAS 20:1

Usyai ña callarigricupimi jatun mandaccunaca macanacuiman llucshic carca. Chai punzhacunapimi Joabca achca soldadocunata pusharishpa, amonitacunapac llactata tucuchirca. Rabá puebloman chayashpaca tucui muyushpami chai pueblota tucuchirca. Ashtahuanpish Davidca Jerusalenpimi saquirirca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

SALMOS 60:9

¿Pitac muyundita jatun pircahuan pircashca pueblomanca pushangayari? ¿Pitac Edom llactaman rina ñantaca ricuchingayari?

ECLESIASTÉS 3:8

Cuyangapacpish, piñangapacpish punzha tiyanmi. Macanacungapacpish, alli tucungapacpish punzha tiyanmi.

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

JEREMÍAS 49:3

Hai llactaca ñami tucurishca. Chaimanta Hesbón runacunalla, caparishpa huacaichicyari. Rabá runacunalla, caparishpa huacaichicyari. Sharpa churanata churarishpa, llaquilla tucushpa, pirca huashata muyuichicyari. Cancunapac Milcom diostaca curacunandi, mandaccunandimi ña prezu apashca.

EZEQUIEL 21:20

Shuc ñanca amonitacuna causacuc Rabá llactaman, shuc ñanca Judá llactapi tiyac muyundi pircashca Jerusalenman, espada rinami canga.

AMÓS 1:14

Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

1 SAMUEL 18:30

Filisteocunata mandaccunaca macanacungapacmi shamushpa catirca. Chashna ima horas shamucpipish Saulta serviccunamanta yallica Davidmi ashtahuan atic carca. Chaimantami paitaca yallita cuyashpa, alli nic carca.