2 SAMUEL 10:5 - Dios Rimashcata Quillcashcami

⁵ David chaita yachashpaca, paicuna yallita pingaihuan cacpimi, paicunata tupachun cacharca. Tupagriccunataca: «Jericó pueblollapi barbas huiñangacaman saquirichic. Quipaca cutinguichicllami» nichunmi cacharca.

2 SAMUEL 10:5 Iomraidhean Croise

2 SAMUEL 10:4

Shina nicpimi, Hanunca Davidta serviccunata japishpa, shuc lado barbasta pitishpa, churanatapish cinturamanta urapi pitishpa cutichishpa cacharca.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

1 REYES 16:34

Acab mandacuc huatacunapica Bet-el pueblopi causacuc Hielmi Jericó pueblota cutin allichirca. Chai pueblo muyundipi jatun pircata shayachingapac callari rumicunata churacucpica, paipac punta churi Abirammi huañurca. Chai pircapi punguta churacucpica, paipac quipa churi Segubmi huañurca. Chashna llaqui tucunataca Nunpac churi Josueman, Mandac Dios huillashca shinami tucurca.

1 CRÓNICAS 19:5

Chashna tucushcataca Davidpacman rishpami huillarcacuna. Chaimantami paicuna yallita pingaihuan cacpi paicunata tupachun cacharca. Davidca: «Jericó pueblopi barbas huiñangacaman saquirichic, quipataca shamunguichicllami» nichun cacharca.

JOSUÉ 6:1

Jericó pueblopi causaccunaca israelcunata manchashpami, puebloman yaicuna pungutapish alli huichcarca. Chaimantaca pipish mana llucshircachu, shinallatac mana yaicurcachu.