2 SAMUEL 1:2 - Dios Rimashcata Quillcashcami

² Ña quimsa punzha tucucpica, Saulpac carpa huasimantami shuc mosoca churanacuna lliquirishca, umapish allpalla chayamurca. Chashna shamushpami, cazushcata ricuchishpa Davidpac ñaupapi pambacaman cumurirca.

2 SAMUEL 1:2 Iomraidhean Croise

GÉNESIS 22:4

Ña quimsa punzha quipami, Abrahamca carumanta chai rupachina pushtutaca ricurca.

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 37:34

Chaimantami taita Jacoboca paipac churanata lliquirishpa, sharpa churanata churarishpa, paipac churi José huañushcamantaca tauca punzhacunata llaquilla causacurca.

GÉNESIS 43:28

Shina tapucpimi paicunaca: —Canta servic ñucanchic taitaca allillami, causacunracmi— nirca. Shina nishpami, cungurishpa cumurircacuna.

2 SAMUEL 1:3

Chaipimi Davidca: —¿Maimantatac shamungui?— nishpa tapurca. Shina tapucpi paica: —Israelcunapac carpa huasimantami atimuni— nirca.

2 SAMUEL 13:19

Chaimantami Tamarca uchupata umapi churarishpa, tucuilaya color churanata lliquirishpa ishcai maquita uma jahuapi churashpa, caparishpa rirca.

2 SAMUEL 14:4

Shina nicpimi, Tecoa pueblomanta huarmica jatun mandacpacman rishpa, cazushcata ricuchingapac pambacaman cumurishpa, jatun mandactaca: —¡Jatun mandaclla, ñucata ayudaiyari!— nirca.

2 SAMUEL 15:32

David utcaman mañac cashca shinallatac urcupi Diosta mañacucpimi, arquitapuramanta Husaica churanapish lliquishca, umapish allpalla tupac shamurca.

2 SAMUEL 24:20

Arauna huichai rishpaca, jatun mandac paipac serviccunandi shamucuctami ricurca. Chashna ricushpami, Araunaca jatun mandacta tupangapac llucshishpa allpacaman cumurirca.

2 SAMUEL 4:10

Shuc runa Saúl huañushcata huillarca. Paica allitami huillac shamuni yuyashpami chashna huillac shamurca. Ashtahuanpish chaimanta imata cunapac randica japichishpa Siclag pueblollapimi huañuchircani.

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

ESTER 5:1

Quimsa punzha tucucpimi, Esterca jatun mandac huarmi churanata churarishpa mandana huasi pungu pambaman yaicushpa shayarirca. Chai pungu pambaca jatun mandac tiyarina chimbapurapimi carca.

SALMOS 66:3

Sumac Diostaca: «Can ruhuashcacunaca sumaimana mancharinacunami. Tucuita ruhuac cacpimi, canta piñaccunaca manchaihuan cumurincuna.

EZEQUIEL 27:30

Canmantami llaquinayaita caparishpa huacashca uyaringa. Umapi allpata churashpami, uchupapi singunga.

OSEAS 6:2

Ishcai punzha quipaca ñucanchicman causaita cungami. Quimsa punzha quipaca jatarishpami paipac ñaupapi causashun.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

SAN MATEO 12:40

Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha.

SAN MATEO 16:21

Chashna nishca quipa Jesús paipac yachacuccunata yachachishpaca: —Jerusalén pueblomanmi rina cani. Chaipimi curacunata mandac curacunapish, pushac yuyaccunapish, mandashcacunata yachachiccunapish llaquichicpi, llaquita apashpa huañunami cani. Shina cashpapish quimsa punzhapica causarishallami— nirca.

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

1 SAMUEL 20:41

Chai servic huambra rishca quipami, Davidca chai ura ladopi jatarishpa quimsa cutincaman allpaman chayacta paipac ñaupapi cumurirca. Chai quipami ñahui quingraipi muchanacushpa ishcaita huacarca. Ashtahuanpish Davidmi ashtahuan huacarca.

1 SAMUEL 25:23

Abigaíl huarmi Davidta ricushpaca, burromanta uricushcahuanmi Davidpac ñaupapi pambacaman cumurirca.

1 SAMUEL 4:12

Chai punzhallatacmi Benjamín aillupuramanta shuc runa chai macanacuimanta miticushpa, Silo puebloman churanapish lliquirishca, umapish allpalla chayarca.

1 SAMUEL 4:16

Chai runaca Elitaca: —Ñucaca jatun macanacuimanta miticushpa shamuc runami cani. Cunanmi jatun macanacuimanta miticurcani— nirca. Shina nicpimi Elica: —Ñuca huahualla, ¿imatac tucurcayari?— nishpa tapurca.