2 SAMUEL 1:16 - Dios Rimashcata Quillcashcami

¹⁶ Chashna huañuchishca quipami Davidca: —Cambac shimillahuantac: “Aceitehuan cahuishpa Mandac Dios acllashca runataca ñucami huañuchircani” nishpaca cambac shimillahuantacmi llaqui tucushcangui. Chaimanta canta huañuchishpa jichashca yahuarca cambac jahuallatami— nirca.

2 SAMUEL 1:16 Iomraidhean Croise

2 SAMUEL 1:10

Pai macanacuipi urmashpaca, ña mana causaipac cashcata yachashpami, paipacman cuchuyashpa huañuchircani. Quipaca, paipac umamanta coronatapish, paipac maquimanta argollatapish llucchishpami, can amitopacman apamuni— nirca.

2 SAMUEL 16:8

Can Saulpac randi mandangapac paipac huasi ucupuracunata tucui huañuchishcamantami Mandac Diosca canta llaquichicun. Can mandanataca cambac churi Absalonmanmi cushca. Canca huañuchic cashpami llaquita apacungui» nirca.

1 REYES 2:37

Chaimanta llucshishpa Cedrón yacuta pasashpa rishpaca chai punzhallatacmi huañungui. Chashna cacpica, can huañushcaca cambac jahuallatami canga— nirca.

JOB 15:6

Cambac shimillatacmi cantaca llaquipi churacun. Mana ñucachu llaquipi churacuni. Cambac shimillatacmi canta llaquichinataca huillacun.

PROVERBIOS 6:2

Chaita ruhuashca cashpaca, cambac shimillahuantacmi pandarishcangui. Cambac rimashcallahuantacmi, tucllapi japi tucushca shina saquiringui.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

EZEQUIEL 33:5

Chai corneta tocashca uyaricpipish, mana miticushpa huañucca paillatacmi faltayuc canga. Ashtahuanpish corneta tocashcata uyashpa miticushpaca, mana huañungachu.

LEVÍTICO 20:16

Maijan huarmi shuc animalhuan chayarinacungapac cuchuyacpica, paipish, animalpish, huañuchishcami canga. Paicunaca mana allita ruhuashcamantami huañuchishca canga.

LEVÍTICO 20:27

Cari cashpa, huarmi cashpa huañushcapac almahuan parlac, adivino tucucca, ishcaitac rumihuan shitashpa huañuchishcami canga. Paicunaca mana allita ruhuashcamantami huañuchishca canga” ninmi ningui» nirca.

LEVÍTICO 20:9

Maijanpish paipac taita mamata imapish tucushca canman nicca huañuchishcami canga. Paica mana allita ruhuashcamantami huañuchishca canga.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

SAN LUCAS 19:22

Chashna nicpimi chai mandacca: “Mana allita ruhuac servicmi cangui. Chashna nishpaca, canllatacmi llaquita apangui. Ñuca cashcatapish, manapish cushpa chasquiclla cashcatapish, manapish tarpushcata cosechaclla cashcatapish yacharcanguimi.

HECHOS 18:6

Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

HECHOS 20:26

Chaimantami cunan caita huillasha nini: Maijan cancuna juchallapitac huañucpica, Diosca ñucataca mana juchanchingachu.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

DEUTERONOMIO 19:10

Chashna causashpami Mandac Dios cushca llactapica manapish faltayuc runapac yahuarta mana jichanguichic. Shinallatac cancunapish chai yahuarmanta mana juchanchishcachu canguichic.

JOSUÉ 2:19

Chai huasimanta maijanpish llucshishpa huañushpaca, paillatacmi juchayuc canga. Maijanpish cambac huasiman yaicushpa huañuchicpica, chai huañushcamantaca ñucanchicmi juchayuc cashun.

JUECES 9:24

Jerobaalpac canchis chunga huahuacunata huañuchishpa yahuarta jichashcamantami Abimelecpac jahuapi llaqui urmachun, shinallatac Siquem pueblopi causaccunapish huañuchinata ayudashcamanta paicunapac jahuapi llaqui urmachun chashnaca ruhuarca.

1 SAMUEL 25:39

Nabal huañushcata David yachashpaca: «¡Mandac Diosca alli nishca cachun! ¡Nabaltaca ñucata rimashpa pingaichishcamantami llaquichishca! ¡Mandac Diosmi paita servic ñuca mana allita ruhuanamantaca jarcarca! ¡Mandac Diosllatacmi, Nabal mana allita ruhuashcamantaca paillatatac llaquichirca!» nirca. Chai quipami Davidca Abigaíl huarmihuan cazarangapac rimachun cacharca.

1 SAMUEL 26:9

Shina nicpimi, Davidca Abisaitaca: —Ama huañuchichu. Mandac Dios acllashca jatun mandacta huañuchicpica, paipish llaquichingami— nirca.