2 SAMUEL 1:12 - Dios Rimashcata Quillcashcami

¹² Saulmantapish, paipac churi Jonatanmantapish, Dios acllashca gentecunamantapish, Israel aillucunamantapish espadahuan huañuchishca cashcamantami tutayangacaman mana micushpa, yallita llaquirishpa huacarcacuna.

2 SAMUEL 1:12 Iomraidhean Croise

2 SAMUEL 3:35

Chashna huacacucpimi manarac chishiyacpi, tucui gentecuna jatun mandacpacman chayarishpaca ashallatapish micuiyari nirca. Shina nicpipish mandac Davidca: «¡Manarac inti yaicucpi, tandata mana cashpaca imallatapish ñuca micucpica, Dios ashtahuan ñucata llaquichichun!» nishpa ari nirca.

PROVERBIOS 24:17

Canta piñac runa llaquipi urmacpica, ama cushicuichu. Mitcaric shina pandaricpipish, shungullapi ama cushicuichu.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

AMÓS 6:6

Vinotapish jatun vasocunapimi ubianguichic. Valishca mishquilla ashnacuc-huanmi cahuiringuichic. Josepac huahua huahuacuna llaquita tucushcataca mana llaquinguichicchu.

SAN MATEO 5:44

Ashtahuanpish ñucaca: Piñaccunata cuyaichic, shinallatac cancunata llaquichiccunamanta Diosta mañaichic ninimi

2 CORINTIOS 11:29

Maijan ungucpica, ñucapish ungunimi. Maijanta pandachishpa urmachicpica, piñarishpami llaquirini.

1 PEDRO 3:8

Ashtahuanpish cancunaca caishuc chaishuc-huan cuyanacushpa, llaquinacushpa, shuc shinalla yuyashpa, pihuanpish alli causaichic.

1 SAMUEL 31:13

Chai quipami paicunapac tullucunata apashpa, Jabes pueblopi cac tamarisco yura ucupi enterrarca. Chai quipaca, canchis punzhacamanmi mana micurca.

1 SAMUEL 31:6

Chai punzhami Saulpish, paipac quimsa churicunapish, paipac escudota apac runapish, paihuan puric tucui gentecunapish huañurca.