2 JUAN 1:9 - Dios Rimashcata Quillcashcami

⁹ Maijanpish chingarishpa, Cristo yachachishcamanta ashtahuan yallichishpa yachachisha nicca, mana Dios-huanchu. Maijanpish Cristo yachachishca shina yachachicllami Dios-huanpish, paipac Churi Jesucristohuanpish can.

Nuevo Testamento en Quichua Cañar 1996

⁹ Maijanpish Cristo yachachishcamanta ashtahuan yallichishpa yachachisha nicca, mana Dioshuanchu. Maijanpish Cristo yachachishca shina yachachicllami Taita Dioshuanpish, paipac Churi Jesucristohuanpish can.

2 JUAN 1:9 Iomraidhean Croise

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 15:6

Maijanpish ñucahuan mana cactaca, mana pucuc ramata shinami pitinga. Ña chaquicpica, tandashpami ninapi rupachingami.

SAN JUAN 5:23

Chaica, maijanpish Taitata alli nic shinallatac Churita alli nichunmi chashnaca churarca. Maijanpish Churita mana alli nicca, ñucata cachac Taitami mana alli nin.

SAN JUAN 8:31

Jesusca paita cric israelcunataca: —Cancunaca ñuca rimashcata cazushpaca, ñuca yachacuccunatacmi canguichic.

HECHOS 2:42

Paicunaca apostolcuna yachachishcata allimi cazuccuna carca. Caishuc chaishuc-huan allimi apanacuc carca. Shinallatac Jesús huañushcata yuyarishpa tandata micungapacpish, Diosta mañangapacpish tandanacucmi carca.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

TITO 2:10

Ñucanchicta Quishpichic Diosmanta yachachishca sumac ricurichunca, ama pipac imata shuhuashpa, ashtahuanpish ima ruhuanapipish alli nishca cachun yachachingui.

HEBREOS 3:14

Callaripi caticushca shina, Cristopi shunguta churashpa tucuringacaman catishpaca, Cristo japishca shinami ñucanchicpish japishun.

HEBREOS 6:1

Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,

1 JUAN 1:3

Ima shinami Dios-huan, paipac Churi Jesucristohuan shuclla canchic, chai shinallatac ñucanchic-huan shuclla cachunmi uyashcatapish, ricushcatapish cancunaman huillanchic.

3 JUAN 1:9

Ñucaca tandanacushca criccunamanmi shuc quillcata quillcarcani. Chashna quillcacpipish, Deotrefesca mandac casha nishpami, ñucanchic yuyaita cushpa quillcashcataca mana chasquisha nirca.