2 CORINTIOS 1:4 - Dios Rimashcata Quillcashcami

⁴ Diosca llaquihuan caccunata cushichichunmi, ñucanchic tucui llaquicunapi cushichin.

Nuevo Testamento en Quichua Cañar 1996

⁴ Taita Diosca ñucanchicta ima shinami llaquihuan cacpi cushichin, chai shinallatac shuccuna ima llaquihuan cacpi cushichichunmi, ñucanchictapish cushichin.

2 CORINTIOS 1:4 Iomraidhean Croise

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

SALMOS 32:7

Canmi ñuca jarcarina cangui. Llaquicunamanta cuidashpa, quishpirishcata huillac cantocunahuan, ñucata muyunguiyari.

SALMOS 66:16

Diosta tucui manchaccuna, Dios ñucaman imalla allicunata ruhuashcatami huillagrini. Chaita uyangapac shamuichic.

SALMOS 86:17

Mandac Dioslla, ñucata mana ricunayachiccuna ricushpa pingachun ñucata cuyacushcata ricuchiyari. Can Mandac Diosmi ñucata ayudashpa cushichircangui.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 40:1

Mandac Diosca: «¡Ñuca acllashcacunata cushichichic, cushichichic!

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

ISAÍAS 52:9

Jerusalén llactalla, Mandac Diosmi llaquimata quishpichishpa cushichishca. Chaimanta tandanacushpa cushicuihuan cantaichicyari.

SAN JUAN 14:16

Ñuca Taitaman mañacpica, shuctac Cushichictami cachanga. Chai Cushichicca huiñaitami cancunahuan canga.

SAN JUAN 14:18

Mana cancunallata saquishachu, cancunapacman cutimushami.

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

2 CORINTIOS 7:13

Tucui caicunami ñucanchictaca cushichirca. Shina cacpipish cancuna Titota ashtahuan catina yuyaita cushpa cushichishcamantami ashtahuan cushicurcani

2 CORINTIOS 7:4

Cancunahuanca shungumantami parlani. Ima shina cashcata ricushpami cai tucui llaquicunahuan cashpapish, cushicushpa ashtahuan catina yuyaita japini.

FILIPENSES 1:14

Shinallatac ñuca caipi prezu cacta yachashpami, maijancunalla saquirishpa achca criccuna ashtahuan sinchi cric tucushpa, Apunchic Jesusmanta mana manchashpa, Diosmanta alli huillaita huillacuncuna.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

1 TESALONICENSES 5:11

Chaimanta ima shinami cunan cancuna caticuc shinallatac, caishuc chaishuc-huan alli catina yuyaita cunacushpa, ayudanacushpa causaichic.

HEBREOS 12:12

Chaimanta shaicushca rigracunatapish, mucucunatapish cuyuchic shina sinchiyaichic.