1 SAMUEL 9:11 - Dios Rimashcata Quillcashcami

¹¹ Chai puebloman chayana ñanta huichai ricushpami, yacuta apangapac urai shamucuc solteracunahuan tuparca. Paicunatami: —¿Dios ricuchishcata huillac runaca cai pueblopichu?— nishpa tapurca.

1 SAMUEL 9:11 Iomraidhean Croise

GÉNESIS 24:11

Chai servicca camellocunataca llacta canzhapi cac yacu jundu ladopimi samachirca. Ña chishimi carca. Chai horasmi solteracunaca yacuta apangapac llucshic carca.

GÉNESIS 24:15

Chai servic mañacucpiracmi, Betuelpac ushi Rebeca solteraca rigra jahuapi puñuta apashca ricurircalla. Betuelca Abrahampac huauqui Nacorpac shinallatac Milcapac huahuami carca.

GÉNESIS 29:8

Shina nicpimi paicunaca: —Mana chashna ruhuai pudinchicchu, ashtahuanpish tucui manada ovejacuna tandaringacaman, shinallatac yacu jundu tapashca rumita anchuchingacamanca mana ovejacunaman yacuta ubiachi pudinchicchu— nirca.

GÉNESIS 29:9

Paicunahuan Jacobo chashna parlanacucucllapitacmi Raquelca paipac taitapac ovejacunahuan chayarca. Paica oveja michicmi carca.

ÉXODO 2:16

Madián llactapi causac curami canchis ushita charirca. Paicunaca yacuta llucchishpa, rumi bateacunapi jundachishpa, taitapac ovejacunaman ubiachingapacmi shamurca.

PROVERBIOS 24:15

Diosta mana manchac runalla, cashcata ruhuac runapac carpataca ama shuhuac shina muyuichu. Paipac huasi ucupi ima tiyashcatapish, ama shuhuashpa apaichu.

JUECES 5:11

Mandac Dios atishcata, huagra ubiana jundu ladopi cantacucta yuyarichicyari. Israel muyundi uchilla llactacunapi causaccunata uyaichicyari. Mandac Diosca israelcunapac pueblo pungumanmi chayamushca.

1 SAMUEL 9:10

Shina nicpimi, Saulca servic runataca: —Allimi, shina cashpaca jaculla— nirca. Shina nishpami Diospaclla cac runa causana puebloman rirca.