1 SAMUEL 8:7 - Dios Rimashcata Quillcashcami

⁷ Mandac Diosca: «Israelcuna imata mañashcataca ruhuailla. Paicunaca mana cantachu mana valichincuna, ashtahuanpish ñucatami yangapi churashpa, paicunata ama ashtahuan ñuca mandachun shuc mandacta charishun nincuna.

1 SAMUEL 8:7 Iomraidhean Croise

ÉXODO 16:8

Moisés ashtahuan rimashpaca: —Cunan chishica aichata, caya tutamantaca tandatami huicsa pactata micuchun cunga. Mandac Diosca cancuna huashalla rimashcata uyashcami. Chashnaca mana ñucanchictachu rimashcanguichic, ashtahuanpish Mandac Diostami rimashcanguichic. Ñucanchicca, ¿pitac canchicyari?— nirca.

ISAÍAS 66:4

ñucapish chashnallatacmi paicunataca mana alli nishpa, paicuna manchana jatun llaquita cachasha. Paicunata ñuca cayacpica, pipish mana cutichircachu. Ñuca rimacpica, mana uyarcachu. Chaipac randica ñuca ñaupapi mana allita ruhuashpami, ñuca millashcatarac ruhuanata munarcanguichic» ninmi.

JEREMÍAS 34:14

Hebreopuramanta maijan cancunaman caturishpa servicucpica, cada canchis huatapi cacharinguichic. Sucta huatallata servichishpa charinguichic nircanimi. Ashtahuanpish cancunapac ñaupa taitacunaca mana uyarcachu, shinallatac mana cazurcachu.

EZEQUIEL 2:3

Chaipi rimarishpaca: «Huañunalla runa, ñucami cantaca israelcunapacman cachani. Paicunaca ñucata mana cazushpami cariyarcacuna. Paicunapish, paicunapac taitacunapish cunan punzhacamanmi mana cazushpa causancuna.

EZEQUIEL 3:7

Ashtahuanpish israelcunaca can rimashcataca mana uyasha ningacunachu. Paicunaca ñuca rimashcataca mana munancunachu. Tucui israelcunami sinchi umacuna, rumi shungucuna can.

NÚMEROS 22:20

Chai tuta Mandac Dios Balaampacman ricurishpaca: —Chai runacuna canta pushangapac shamushca cacpica, jatarishpa paicunahuan rilla. Shina rishpapish, ñuca nishcallata ruhuangui— nirca.

SAN MATEO 10:40

Maijanpish cancunata chasquicca, ñucatami chasquin. Ñucata chasquicca, ñucata cachac Diostami chasquin.

SAN LUCAS 10:16

Jesusca paipac yachacuccunataca: «Cancuna ima nishcata uyacca, ñucatami uyan. Cancunata piñacca, ñucatami piñan. Ñucata piñacca, ñucata cachac Taitatami piñan» nirca.

SAN LUCAS 19:14

Pai ña ricpica, chai llacta gentecuna paita piñashpa: “Cai runa ñucanchicta mandachunca, mana munanchicchu” nichun, huillaccunata quipata cacharca.

SAN LUCAS 19:27

Cutin, ñucata piñashpa mana mandac cachun munaccunataca apamushpa, ñuca ñaupapi huañuchichic” nircami» nirca.

SAN JUAN 13:16

Servicca mana amota yallichu. Cachashcapish mana cachacta yallichu. Chaica chashnatacmi can.

JUECES 8:23

Shina nicpipish Gedeonca: —Ñucapish, ñuca churipish mana mandashunchu. Ashtahuanpish Mandac Diosllami mandanga— nirca.

1 SAMUEL 10:19

Shina cacpipish, cancunaca tucui llaquicunahuan llaquichishca causacushcamanta llucchic cancunapac Diostami llaquichircanguichic. Chashna cashpami ñucataca: “Ima cachunpish jatun mandacta churaiyari” nishcanguichic. Chashna cashcamanta cunanca tucui aillucunapish huaranga huarangapi tandanacushcacunapish Mandac Diospac ñaupaman shamuichicyari» nirca.

1 SAMUEL 12:1

Tucui israelcunatami Samuelca: —Riquichic, cunanca cancuna tucui ima mañashcata uyashpami ñucaca cancunaman jatun mandacta churani.

1 SAMUEL 12:12

Ashtahuanpish amonitacunata jatun mandac Nahas cancunata piñashpa macanacungapac shamucta yachashpaca: “Ñucanchicta mandachunca shuc jatun mandactami munanchic” nircanguichic. Cancunata Mandac Dios cancunapac jatun mandac cacpipish, shuctac mandacta charinatami munarcanguichic.

1 SAMUEL 8:22

Shina huillacpimi Mandac Diosca Samueltaca: —Paicuna nishcata uyashpa jatun mandacta churailla— nirca. Shina nicpimi, Samuelca Israelcunataca: —Cancuna causana pueblocunaman cutichiclla— nishpa cacharca.

1 SAMUEL 8:8

Paicunaca Egiptomanta ñuca llucchimushca punzhamanta cunan punzhacamanmi shuctac dioscunata servishpa ñucata mana cazuncuna. Chashnallatacmi canhuanpish ruhuancuna.