1 SAMUEL 8:3 - Dios Rimashcata Quillcashcami

³ Ashtahuanpish churicunaca paicunapac taita shinaca mana causarcacunachu. Paicunaca charicyangaraicu cullquita pacalla japishpami cashcataca mana ruhuarcacuna.

1 SAMUEL 8:3 Iomraidhean Croise

2 SAMUEL 15:4

Shinallatac Absalonca: «Ñuca juez cashpachari alli caiman. Ima piñanacushcata, ima llaquicunatapish allichichun mañac shamuccunataca cashcata ruhuashpami allichiman» nic nirca.

SALMOS 15:5

cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!

SALMOS 26:10

Paicunapac maquicunahuanca millaillatami ruhuancuna. Alli maquihuanca pacalla cushca cullquitami yallita japincuna.

ÉXODO 18:21

Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.

ÉXODO 23:6

Maipi imata quichunacui tiyacpica, ama huacchapac cashcata quichushpa, shucman cunguichu.

ÉXODO 23:8

Ama agradota japinguichu. Chai agradoca cashcata ruhuac runatapish, alli runatapish ñahuita quillpac shinatami ruhuan.

ECLESIASTÉS 2:19

Chai mandac alli yachac cactapish, mana cashpaca yuyai illac cactapish, ¿pitac yachan? Shina cashpapish alli yachaihuan inti achicyachicuc cai pachapi imatapish yallita ñuca ruhuashcataca japingami. Chaicunapish yangallami.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

ISAÍAS 33:15

Maijanpish cashcata ruhuac, mana llullac, pimanta quichushpa mana chayucyac, allita ruhuangapac imata mana pacalla japic, huañuchina yuyaita mana uyasha nic, ima mana allita mana ricusha nicmi

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.

1 TIMOTEO 3:3

mana machac, piñanacunatapish mana munac, cullquita charingaraicu ima mana allitac mana ruhuac, chaipac randica pitapish llaquic, ima piñanacui tiyacpipish allichic,

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

1 SAMUEL 12:2

Riquichic, cunanca cai jatun mandacmi cancunapac ñaupata ringa. Ñucaca ña yuyac, yurac accha jundami cani. Shina cacpipish, ñuca churicunaca cancunahuanmi. Ñucaca huambramanta pacha cunan punzhacamanmi cancunataca pushacushcani.

1 SAMUEL 2:35

Chai quipami ñucata alli cazuc curata churasha. Paica ñuca shungu ñuca alma munashcatami ruhuanga. Paipac huasi ucupuratapish sinchi cachunmi churasha. Shina ruhuacpimi, aceitehuan cahuishca ñucapaclla runapac ñaupapi punzhanta causanga.