1 SAMUEL 7:6 - Dios Rimashcata Quillcashcami

⁶ Israelcunaca Mizpa pueblopi tandanacushpami yacuta llucchishpa, Mandac Diospac ñaupapi tallirca. Chai punzhami ayunashpa: «Juchata ruhuashpami Mandac Diostaca llaquichishcanchic» nirca. Samuelca israelcuna piñanacushcamantaca Mizpa pueblopimi allichirca.

1 SAMUEL 7:6 Iomraidhean Croise

GÉNESIS 31:49

Shinallatac “Mizpata” shutichishpami Labanca: —Ñucanchic caishuc chaishuc caruyanacushpa, mana ricucpipish Mandac Dios ñucanchicta cuidachun.

2 SAMUEL 14:14

Ñucanchicca tucuimi huañunalla canchic. Pambapi tallirishca yacu shina maita mana tandaipacmi canchic. Shina cashpapish, Diosca pimantapish mana causaita quichunchu. Chaipac randica llactamanta llucchishpa cachashcacuna paimanta ima shinapish ama ashtahuan caruyachunmi munan.

1 REYES 8:47

Paicunaca prezu apashca llactapi cashpami, canta mana cazushcata yuyaringacuna. Shina yuyarishpa, paicuna mañashpaca: “Juchatami ruhuashcanchic. Millaita ruhuashpami pandarishcanchic” ningacunami.

1 CRÓNICAS 11:18

Shina nicpimi, chai quimsa sinchi runacunaca filisteocunapac carpacunaman rishpa, Belén pueblo yaicunapi tiyac jundumanta yacuta llucchishpa Davidman apamurca. Shina apacpipish, Davidca mana ubiasha nishpami, Mandac Diosman cushpa:

2 CRÓNICAS 20:3

Shina huillacpimi, Josafatca mancharishpa, Mandac Dios-huan parlangapac yallita llaquirishpa cumurirca. Shina llaquirishpaca, mana micushpa Diosta mañachunmi, tucui Judá llactapi causaccunata mandarca.

NEHEMÍAS 9:27

Chaimantami paicunataca, piñaccunapac maquipi churarcangui, chaipica llaquichircacunami. Shina llaquita apacushpami, cantaca caparishpa mañarcacuna. Canca jahua pachamantami uyarcangui, yallita llaquic cashcamantami, piñaccunapac maquimanta quishpichingapac, cacharichiccunata cacharcangui.

JOB 16:20

Ñucamanta rimaccunaca ñuca ricsishcacunallatacmi. Ashtahuanpish Diospac ñaupapimi huiquita urmachishpa mañasha.

JOB 3:24

Micunapac randica, shunguracmi llaquirin. Ñuca llaquirishcaca yacu shinami callpacun.

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

JOB 40:4

«Mandac Dioslla, ñucaca imapish mana canichu. ¿Imatatac cantaca nishayari? Chaipac randica ñuca maquihuanmi shimita jarcarini.

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

SALMOS 106:6

Ñucanchic ñaupa taitacuna shinallatacmi juchata ruhuashcanchic. Mana allita ruhuashpami juchallishcanchic.

SALMOS 119:136

Shuctac gentecuna can mandashcacunata mana cazucpica, huiqui yacu shina callpactami huacani.

SALMOS 42:3

Tutapish, punzhapish huacashpami huiquillata micucuni. Punzhantami ñucataca: «¿Maipitac cambac Diosca?» nishpa llaquichincuna.

SALMOS 6:6

Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

JEREMÍAS 31:19

Canmanta caruyashca quipaca yallitami llaquirini. Ñucaca mana allita ruhuashcata yuyarishpami shungupi huactarircani. Huambrarac cashpa juchata ruhuashcamantami yallita pingaihuan cani. Chaitaca manatac cungarishachu” nishpa, huacactami uyarcani.

JEREMÍAS 36:9

Josiaspac churi jatun mandac Joacim Judá llactata pichca huata iscun quillata mandacucpimi, tucui Jerusalenpi causaccunatapish, Judá llactacunamanta Jerusalenman shamuccunatapish, Mandac Diospac huasipi ayunachun mandarca.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

LAMENTACIONES 2:11

Ñuca llactapi causac huahuacunapish, chuchucuc huahuacunapish pambacunapi yarcaihuan huañuna shina siricucpimi, yallita huacani. Chashna huacacucllapitacmi huiquipish mana tiyan. Ñuca shungupish cuyurishpa, pambaman urmanalla shina tucun.

LAMENTACIONES 3:49

Pipish mana cushichic tiyacpimi, ñucaca upalla huacacunilla.

LAMENTACIONES 5:16

Ñucanchic umamantaca coronapish urmarcami. ¡Aij, ñucanchiclla, juchallishcamantami cashna llaquipi canchic!

EZEQUIEL 20:4

Huañunalla runa, ¿paicunata taripasha ninguichu? Taripashpa, paicunapac taitacuna millaita ruhuashcacunata

OSEAS 5:1

Mandac Diosca: «Curacunalla, israelcunalla, jatun mandacpac huasipi mandashpa tiyaccunalla, caita uyaichicyari. Cancunaca Mizpa llactapica urmachic tuclla shina, cutin Tabor urcupica tuclla shinami carcanguichic. Cancunatami taripashpa llaquichisha.

JOEL 2:12

Mandac Diosca: «Cunanca ayunashpa, huacashpa, yallita llaquirishpa, tucui shunguhuan ñucapacman cutirichic» ninmi.

LEVÍTICO 16:29

Caicunaca huiñaita ruhuachun mandashcami canga. Canchis quilla chunga punzhapica cancunapish, shuctac cancunahuan causaccunapish imata mana ruhuashpami llaquirishpa samarina canguichic.

LEVÍTICO 26:40

Paicunapac, shinallatac paicunapac taitacunapac mana allita ruhuashcata, ñucata mana cazushpa paicuna munashcata ruhuashcata huillangacuna.

SAN LUCAS 15:18

Ñuca taitapacman cutishpa rishalla. Chaiman chayashpaca: ‘Taitito, Diostapish, cantapish piñachishpami, juchallishcani.

JOSUÉ 18:26

Mizpa, Cafira, Mozah,

JUECES 10:10

Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.

JUECES 10:15

Shina nicpimi, israelcunaca Mandac Diostaca: —Ñucanchicca juchallishcanchicmi. Cunanca cambac allipac can munashcata ruhuailla. Shina cashpapish cunan punzhaca quishpichiyari— nircacuna.

JUECES 2:4

Mandac Diospac ángel chashna nicpica, tucui israelcunami caparishpa huacai callarirca.

JUECES 20:23

Israelcunaca huichai rishpami Mandac Diospac ñaupapi tutayangacaman huacashpa Mandac Diostaca: —¿Ñucanchic huauqui Benjamín aillucunahuanca Cutinllatac macanacugrishunchu?— nishpa tapurca. Shina nicpimi, Mandac Diosca: —Cutinllatac macanacugrichiclla— nirca.

JUECES 20:26

Shina huañuchicpimi, israelcunapish, macanacuc runacunapish huichai rishpa, Mandac Diospac ñaupapi chishiyangacaman huacashpa, ayunashpa carca. Shinallatac Diosman cushpa tucui rupachishpa, Dios-huan alli tucungapac animaltapish curcacuna.

JUECES 3:10

Otonielca Mandac Diospac Espíritu japicpimi, israelcunapac juez tucushpa macanacungapac llucshirca. Mandac Diosca Siria llactata jatun mandac Cusan-risataimta paipac maquipi churacpimi, Cusan-risataimtaca atirca.

1 SAMUEL 1:15

Shina nicpimi Anaca: —Ñuca amito, mana machashcachu cani. Vinotapish, machana yacutapish mana ubiarcanichu. Ashtahuanpish ñuca shungupimi, achca llaquihuan cani. Chaimantami ñuca tucui almahuan Mandac Diosta mañacuni.

1 SAMUEL 10:17

Chai quipami Samuelca israelcunata cayashpa Mandac Diospac ñaupapi Mizpa pueblopi tandachirca.

1 SAMUEL 12:10

Chaimantami paicunaca Mandac Diostaca: “Mandac Diosta saquishpa Baal, Astarte yangalla dioscunata servishpami juchallishcanchic. Cunanca ñucanchicta piñaccunapac maquimanta quishpichiyari. Canllatacmi servishpa causashun ninchic” nishpa caparishpa mañarca.

1 SAMUEL 7:15

Samuelca tucui paipac causaipimi israelcunataca mandacurca.