1 SAMUEL 7:3 - Dios Rimashcata Quillcashcami

³ Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.

1 SAMUEL 7:3 Iomraidhean Croise

GÉNESIS 35:2

Chaimantami Jacoboca paipac familiacunatapish, paihuan caccunatapish rimashpaca: —Cancunapurapi tiyac chican dioscunata anchuchichic. Chaimantaca armarishpa mushuc churanata churarichic.

1 REYES 11:33

Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.

1 REYES 8:48

Paicunata piñaccunapac llactapi prezu cashpami, paicunapac tucui shunguhuan, tucui almahuan canman cutiringacuna. Shina cutirishpaca paicunapac ñaupa taitacunaman cushca llactaman, can acllashca puebloman, canman ñuca shayachishca cai huasiman tigrarishpami canta mañangacuna.

2 REYES 17:39

Ashtahuanpish cancunata Mandac Dios ñucallatami manchana canguichic. Ñucami cancunata piñaccunapac maquimanta cacharichisha» nirca.

2 REYES 23:15

Bet-el pueblopi tiyac altarcunatapish, israelcunata juchata ruhuachic Nabatpac churi Jeroboam lomapi ruhuachishca altarcunatapish tucuchircami. Chai altarcunatapish, lomapi tiyac altarcunatapish rupachishpami uchupata ruhuarca. Asera diostapish rupachircami.

1 CRÓNICAS 22:19

Chaimanta cancunaca cancunata Mandac Diosta tucui shunguhuan, tucui yuyaihuan mashcaichic. Mandac Dios ari nishca quillcata huacaichina Arcatapish Diospaclla chicanyachishca ima charishcacunatapish, apamungapac Mandac Diospac huasitaca shayachi callarichic» nirca.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 CRÓNICAS 19:3

Shina cacpipish, Asera huarmi diosta yuyarina yuracunata anchuchishpa cambac tucui shunguhuan Mandac Diosta mashcashcamantami can alli cashcata ricushca— nirca.

2 CRÓNICAS 20:33

Chashna causashpapish lomacunapi tiyac altarcunataca mana anchuchircachu. Gentecunaca paicunapac ñaupa taitacunapac Mandac Diostaca manarac tucui shunguhuan cazurcacunachu.

2 CRÓNICAS 30:19

Paicunaca Cambac huasipi chuyayangapac imata mandashca shinallatac manarac chuyayashca cashpapish, paicunapac ñaupa taitacunapac Diosman cuchuyangapacmi allichirishcacuna» nirca.

PROVERBIOS 16:1

Imatac ruhuanataca gentecunami yuyarin. Shina cacpipish, Mandac Diosmi chai yuyarishcata ricun.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

JEREMÍAS 24:7

Ñucaca Mandac Dios cashcata ricsichunmi paicunamanca alli yuyaita cusha. Paicunaca ñuca acllashcacunami canga. Ñucaca paicunapac Diosmi casha. Chaica, paicunaca tucui shunguhuanmi ñucapacman cutinga.

JEREMÍAS 36:3

Judá llactapi causaccuna ñuca yallita paicunata llaquichigricushcata uyashpa, mana allita ruhuashpa causacushcata yuyarishpa llaquiringapishchari. Paicuna mana allita ruhuashcata, paicunapac juchacunata ñuca perdonachun llaquiringapishchari» nirca.

JEREMÍAS 4:1

Mandac Diosca: «Israelcunalla, ñucapacman cutishpaca, tucui shunguhuan cutimuichic. Yanga dioscunata saquichic. Ñucamanta ama ashtahuan anchurichicchu.

EZEQUIEL 14:6

Chaimanta canca: “Israelcunata Mandac Diosca: Cancunapac ruhuashcalla dioscunata saquishpa, ñucapacman cutimuichic. Cai tucui millanacunata ruhuashcataca ama ashtahuan ricuichicchu.

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

OSEAS 14:1

¡Israelcunalla, cancunata Mandac Diospacman cutirichicyari! ¡Cancunaca juchallishcamantami urmashcanguichic!

SAN MATEO 15:8

“Cai gentecunaca shimillahuanmi ñucataca alli nincuna. Ashtahuanpish shunguca, ñucamanta carupimi.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

SAN LUCAS 4:8

Chashna nicpimi Jesusca: —Dios quillcachishcapica: “Canta Mandac Diosllata adorangui, paillata servingui” ninmi— nirca.

SAN JUAN 4:24

Diosca Espiritumi. Chaimantami paita mañacca Diospac Espíritu yuyaita cucpi, ima shina mañana cashca shina mañancuna— nirca.

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

DEUTERONOMIO 13:4

Mandac Diosllata catinguichic. Paita manchanguichic. Pai ima nishcata uyashpa, pai mandashcacunata pactachinguichic. Paillata servishpa catinguichic.

DEUTERONOMIO 4:29

Shina cashpapish, chai llactacunapi cashpa, tucui shunguhuan, tucui yuyaihuan Mandac Diosta mañashpaca taringuichicmi.

DEUTERONOMIO 6:13

Mandac Diosta manchanguichic, paillata servinguichic, paipac shutillapi imatapish ari ninguichic.

JOSUÉ 13:31

Basán llactata mandac Og mandacushca chaupi Galaad llactatami Astarot, Edrei pueblocunandi Manasespac churi Maquirpac chaupi ailluman, paicuna mashna cashcata ricushpa curca.

JOSUÉ 24:14

Shinallatac Josueca: «Cancunaca Mandac Diosta manchaichic, ima mana allitapish ama ruhuanguichicchu. Tucui munaihuan paita servishpa causanguichic. Cancunapac chaupimanta, cancunapac ñaupa taitacuna jatun yacu chimba ladopi causashpa servishca dioscunata, Egiptopi causashpa servishca dioscunata anchuchinguichic. Shina anchuchishpami, Mandac Diosta servishpa causana canguichic.

JOSUÉ 24:23

Shina nicpimi Josueca: —Shina cashpaca cunanca, cancunapac chaupimanta shuctac dioscunata anchuchishpa, israelcunata Mandac Diosllata tucui shunguhuan manchashpa causaichic— nirca.

JUECES 10:16

Shina nishpami paicunapac chaupipi tiyac dioscunata anchuchishpa Mandac Diosta servircacuna. Mandac Diosca israelcuna llaquita apacucta ricushpaca, paipish llaquirircami.

JUECES 10:6

Israelcunaca Baal, Astarot, Siria llacta, Sidón pueblopi tiyac, Moabpac, Amonpac churicunapac, filisteocunapac dioscunata servishpami Mandac Diosta piñachircacuna. Chashnami Mandac Diosta cungarishpa mana servircacuna.

JUECES 2:11

Chai quipaca Mandac Diospac ñaupapi mana allita ruhuashpami israelcunaca Baal dioscunata servishpa causai callarirca.

JUECES 2:13

Mandac Diosta saquishpami Baal diosta, Astarot diosta servircacuna.

1 SAMUEL 31:10

Shinallatac Saulpac macanacunataca Astarot huarmi diospac huasipi churashpa, paipac cuerpotaca Bet-sán pueblo pirca cuchupimi huarcurcacuna.