1 SAMUEL 7:10 - Dios Rimashcata Quillcashcami

¹⁰ Mandac Diosman cushca ovejata Samuel tucui rupachicucpimi, filisteocunaca israelcunahuan macanacungapac chayarca. Ashtahuanpish Mandac Diosca sinchita tulun nichishpami filisteocunataca manchachishpa muspachirca. Chashna ruhuacpimi, israelcunaca filisteocunata atirca.

1 SAMUEL 7:10 Iomraidhean Croise

SALMOS 18:15

Mandac Dioslla, can piñarishpa pucucpica, mama cucha ucu allpapish, cai pacha callari rumicunapish ricurircami.

SALMOS 29:3

¡Mandac Dios rimashcaca yacu jahuapimi uyarin! ¡Sumaimana Mandac Dios rimashcaca manchana yacu jahuapimari tulun nishpa uyaricun!

SALMOS 29:4

Mandac Dios rimashcaca imatapish ruhuai tucunmi. Mandac Dios rimashcaca sumaimanamari.

SALMOS 78:66

Paita piñaccunataca huashaiman callpachishpami llaquichirca. Chashnami huiñaita pingaichirca.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

DEUTERONOMIO 28:7

Cancunata piñaccuna jatarishpa, cancunata llaquichingapac jataricpica, Mandac Dios ayudacpimi, cancunaca mishanguichic. Cancunata macangapacca shuclla ñantami shamungacuna, ashtahuanpish cancunapac ñaupamantaca canchis ñantami callpangacuna.

JOSUÉ 10:10

Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

JUECES 4:15

Chaipica Mandac Diosmi Baracpac ñaupapi Sisarataca carretacunandi, paipac macanacuc runacunandi espadahuan chugrichishpa tucuchirca. Chaipimi Sisaraca carretamanta uricushpa chaquillahuan miticushpa callparca.

JUECES 5:20

Lucerocunapish jahua cielomanta pachami macanacurca. Paicuna tiyana pushtumantami Sisarahuan macanacurca.

JUECES 5:8

Israelcuna shuc mushuc dioscunata mashcacucpica, macanacuica pungupi shinami carca. Shina chayamucpica, chuscu chunga huaranga israelcunaca shuc lanzallahuanpish, escudollahuanpish mana carcacunachu.

1 SAMUEL 12:17

Cunanca mana tamya punzhacunachu, ashtahuanpish trigota cosechana punzhacunami. Shina cacpipish, ñucaca Mandac Dios tamyachichunmi mañagrini. Paica relampatapish, tamyatapish yallitami cachanga. Chaita ricushpami, cancunaca shuctac jatun mandacta munanchic nishpa Mandac Diospac ñaupapi yalli mana allita ruhuashcata yachanguichic— nirca.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.

1 SAMUEL 2:10

Mandac Diosta piñaccunataca paillatacmi ñutuchishpa chingachinga. Paicunata llaquichingapacca jahua pachamantami tulun ninga. Tucui cai pachapi causaccuna ima ruhuashcataca Mandac Diosmi ricuchinga. Pai acllashca jatun mandaccunamanpish paimi yachaita cunga. Aceitehuan cahuishpa paipacllata ruhuashcacunataca paimi imatapish ruhuacllata ruhuanga» nirca.

1 SAMUEL 7:11

Israelcunaca Mizpa pueblomanta llucshishpami filisteocunataca Bet-car pueblo ura ladocaman catishpa huañuchirca.