1 SAMUEL 6:9 - Dios Rimashcata Quillcashcami

⁹ Shina saquishpaca caitami alli ricuna canguichic: Carreta aisashca vacacuna Bet-semes puebloman rina ñanta Israel llactaman ricpica, Diosllatac llaquichicushcatami yachashun. Ashtahuanpish mana chai ñanta ricpica, mana paipac poderhuan llaquichicushcata, ashtahuanpish cai llaquicunaca imapish llaquicuna cashca shinatami yachashun— nirca.

1 SAMUEL 6:9 Iomraidhean Croise

2 SAMUEL 1:6

Shina nicpimi, huillangapac shamuc mosoca: —Ñucaca Gilboa urcupimi carcani. Chaipimi Saúl taunallishca huañunalla shayacucta ricushpa, paita piñac gentecunapish carretacunahuan, caballocunahuan huashata cuchuyacurcami.

1 REYES 4:9

Decarpac churitaca Macazpi, Saalbimpi, Bet-semespi, Elonpi shinallatac Bet-janán pueblocunapimi mandachun churarca.

2 CRÓNICAS 25:21

Israel llactata jatun mandac Joasca huichai rishpami Judá llacta Bet-semes pueblopi macanacungapac shamushpa, paipish, Judá llactata jatun mandac Amasiaspish ñahui ñahui ricunacurca.

ÉXODO 8:15

Ña llaquicuna mana tiyacpica, cutinllatacmi Faraonca sinchi shungu tucurca. Chaimantami Moisestapish, Aarontapish Mandac Dios nishca shina, mana cazurca.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

SAN LUCAS 10:31

Chashna huañunalla siricucpipish, shuc cura chai ñanta shamushpaca, caru caruta pasarcallami.

JOSUÉ 15:10

Baala pueblomantaca inti tigrana ladoman tiyac Seir urcu ladomanmi muyucurca. Cutin jahua ladota rishpaca, Jearim urcuta rishpami Quesalón puebloman chayacurca. Chaimantaca Bet-semes puebloman urai rishpami Timna pueblocaman carca.

JOSUÉ 21:16

Aín, Juta shinallatac Bet-semes pueblocunatapish michina pambacunandimi curca. Chai ishcai aillucunapac llactamantaca iscun pueblocunatami curca.

1 SAMUEL 6:10

Shina nicpimi, chai runacunaca mandashca shinallatac ruhuarca. Huahuayuc ishcai vacacunata yugoshpa carretata aisachirca. Ishcai huahua becicunataca corralpimi huichcarca.

1 SAMUEL 6:12

Chashna ruhuashca quipami, chai vacacunaca Bet-semes puebloman rina ñanta alli ladomanpish, lluqui ladomanpish mana ladoyashpa huacashpa rircacunalla. Filisteocunata mandaccunapish, Bet-semes pueblo linderocamanmi catishpa rirca.

1 SAMUEL 6:3

Shina nicpimi paicunaca: —Israelcunapac Diospac Arcata saquingapac rishpaca, mana chashnallachu saquigrina canguichic. Ashtahuanpish cancunapac juchamanta imallatapish cunami canguichic. Chaita ruhuashpami chai ungüimantaca alli tucunguichic. Shinallatac cancunata llaquichinataca imamanta mana saquishcatapish yachanguichic— nirca.