1 SAMUEL 5:6 - Dios Rimashcata Quillcashcami

⁶ Mandac Diosca Asdod pueblopi causaccunataca ashtahuanmi llaquichic callarirca. Shinami Asdod pueblopipish, chai muyundi llactacunapipish chupu ungüihuan yallita llaquichishpa tucuchirca.

1 SAMUEL 5:6 Iomraidhean Croise

GÉNESIS 41:31

Chashna yalli yarcai tiyacpimi, ñaupaman achca pucushcapish mana pucushca shinallatac canga.

JOB 31:3

¿Diosta mana manchaccunamanpish juchata ruhuaccunamanpish manachu llaquicunaca tiyanga?

SALMOS 145:20

Mandac Diosca tucui paita cuyaccunataca cuidanmi. Ashtahuanpish paita mana manchaccunataca tucuitami tucuchinga.

SALMOS 147:6

Mandac Diosca yangalla gentecunata ayudacmi. Ashtahuanpish paita mana manchaccunataca allpacaman cumurichicmi.

SALMOS 32:4

Tutapish, punzhapish cambac maquica llaquichishpami catirca. Verdinlla quihua shina cashpapish, usyaipi chaquishca quihua shinami tucurca.

SALMOS 78:66

Paita piñaccunataca huashaiman callpachishpami llaquichirca. Chashnami huiñaita pingaichirca.

ÉXODO 9:3

campopi tiyac animalcunatapish, caballocunatapish, burrocunatapish, camellocunatapish, vacacunatapish, ovejacunatapish, mancharina ungüihuanmi llaquichisha.

HECHOS 13:11

Cunanca Mandac Dios llaquichicpimi, mana ricuc saquiringui. Tauca punzhacunacamanmi, inti achicyachishcatapish mana ricungui— nirca. Chashna nicpimi, brujopac ñahui amsayacpi, mana ricui pudishpa, maquimanta maijan aisachun mashcarca.

DEUTERONOMIO 28:27

Mandac Diosmi cancunataca Egipto llactapi causaccunata llaquichishca shina, sisu ungüihuanpish, chupu ungüihuanpish, shicshi ungüihuanpish llaquichinga. Cancunaca mana jambiri pudinguichicchu.

1 SAMUEL 5:11

Chaimantami filisteocunata tucui mandaccunata cayachishpa tandanacushpaca: «Israelcunapac Diospac Arcata maimanta apamushca pushtullamantac apaichic. Pacta ñucanchicpish, ñucanchic gentecunapish huañunchicman» nirca. Chai pueblopi causaccunaca Diospac poderhuan ashtahuan llaquichishpa yalli huañuchishcamantami mancharirca.

1 SAMUEL 5:7

Chaita ricushpami Asdod pueblopi causaccunaca: «¡Israelcunapac Diospac Arcataca mana caipi charinachu canchic. Paica ñucanchictapish, ñucanchic Dagón diostapish yallitami llaquichicun!» nirca.

1 SAMUEL 5:9

Chai puebloman apacpimi, Mandac Diosca chai pueblopi causaccunahuan piñarishpa, yallita llaquichirca. Chai pueblopi causaccunataca uchillacunamanta callarishpaca yuyaccunacamanmi chupu ungüihuan manchanayaita llaquichirca.