1 SAMUEL 5:2 - Dios Rimashcata Quillcashcami

² Diospac Arcata filisteocuna quichushpaca Dagón diospac huasi ucuman apashpami Dagón diospac ladopi churarca.

1 SAMUEL 5:2 Iomraidhean Croise

1 CRÓNICAS 10:10

Chai quipami Saulpac macanacunataca paicunapac dioscunapac huasipi churashpa, Saulpac umataca Dagón diospac huasipi huarcurca.

1 CRÓNICAS 10:8

Cayandi punzha filisteocuna huañushcacunapac churanacunata llucchichingapac rishpami Saulpish, paipac quimsa churicunapish Gilboa urcupi huañushcata tarircacuna.

DANIEL 5:2

Belsasar vinota mishquillirishpa ubiacushpami, paipac taita Nabucodonosor Jerusalenpi tiyac Diospac huasiman apamushca curi, cullqui vasocunata apamuchun cacharca. Chai vasocunapi pai ubiangapac, shinallatac pai churashca mandaccunapish, paipac caishuc huarmicunapish vinota ubiachunmi apachun cacharca.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

HABACUC 1:11

Chai quipaca acapana huaira shina yaicushpami, tucui tucuchinga. Paicunapac diosca fuerzami can» nirca.

HABACUC 1:16

Chaimantami paicunapac linchiman animaltapish, inciensotapish rupachinga. Chai linchihuanmi ima charinacunata yallita mirachirca. Shinallatac sumac micunatami micurca.

JUECES 16:23

Filisteocunaca Sansonta japishcamanta cushicushpami paicunapac Dagón diosman animalcunata cushpa rupachingapac tandanacurcacuna. Chaipica: «¡Ñucanchic diosca ñucanchicta piñac Sansontami ñucanchic maquipi churashca!» nircacuna.