1 SAMUEL 5:10 - Dios Rimashcata Quillcashcami

¹⁰ Shina cacpimi, Diospac Arcataca Ecrón puebloman cacharca. Diospac Arcata chai Ecrón puebloman cachacpica, chaipi causaccunaca: «¡Israelcunapac Diospac Arcataca ñucanchictapish, ñucanchic gentecunatapish huañuchunmi ñucanchicpacman apamushca!» nishpa caparirca.

1 SAMUEL 5:10 Iomraidhean Croise

2 SAMUEL 7:9

Ñucaca can maita ricpipish, canhuanmi carcani. Canta piñaccunatapish tucuitami cambac ñaupamanta chingachircani. Shina ruhuashpami, cai pacha mandaccunapuramanta tucuita yalli jatun cachun ruhuarcani.

2 REYES 1:2

Ocoziasca Samaria llactapi cac paipac huasi ventanamanta urmashpami yallita ungurca. Chaimantami maijan huillaccunata cachashpaca: «Ecrón pueblopi tiyac Baal-zebub diospacman rishpa, ñuca cai ungüimantaca alliyanata, mana alliyanata tapugrichic» nirca.

1 CRÓNICAS 7:21

Zabad, Sutela, Ezer, shinallatac Eladmi carca. Gat pueblopi huacharishpa causaccunami animalcunata quichungapac shamucpi, Ezerta shinallatac Eladtaca huañuchirca.

AMÓS 1:8

Asdodpi causaccunatapish, Ascalón llactata mandaccunatapish tucuchishami. Ecrón llactapi causaccunataca piñarishpa llaquichicpica, maijan saquirishca filisteocunapish huañungami. Chaitaca Mandac Dios ñucami nini» ninmi.

AMÓS 6:2

Cancunaca Calne llactaman rishpa ricuichic. Chaimantaca Hamat llactaman richic. Chai quipaca filisteocuna causana Gat llactaman richic. Cancunaca, ¿chai llactacunata yallichu canguichic? ¿Chai llactacunata atishpa, ashtahuan jatun llactapichu causanguichic?

JOSUÉ 13:3

Egiptomanta inti llucshina ladoman cac Sihor yacumanta jahua Ecrón pueblocamanmi tiyanrac. Chai allpaca, cananeocunapacmi nincuna. Gaza, Asdod, Ascalón, Gat, Ecrón pueblocunami tiyanrac. Aveocunapac llactapish tiyanracmi.

JOSUÉ 15:11

Chaimantaca jahua ladota rishpaca, Ecrón pueblota rishpa, Sicrón pueblota, Baala urcuta muyushpami Jabneel pueblota pasashpa mama cuchaman chayarca.

JOSUÉ 15:45

Ecrón pueblocunapish, muyundipi tiyac huasicunapish, uchilla llactacunapishmi carca.

JUECES 1:18

Chashnallatac Judá ailluca Gaza pueblotapish, Ascalón pueblotapish Ecrón pueblotapish allpacunandimi japirca.

1 SAMUEL 17:52

Chashna callpacpimi, israelcunapish, Judá llacta gentecunapish caparishpa pugru pambapi tiyac Gat, Ecrón pueblo yaicunacaman filisteocunataca catircacuna. Filisteocuna huañushca cuerpocunaca Saaraim pueblo ñanmantaca Gat Ecrón pueblocunacamanmi siricurca.

1 SAMUEL 5:11

Chaimantami filisteocunata tucui mandaccunata cayachishpa tandanacushpaca: «Israelcunapac Diospac Arcata maimanta apamushca pushtullamantac apaichic. Pacta ñucanchicpish, ñucanchic gentecunapish huañunchicman» nirca. Chai pueblopi causaccunaca Diospac poderhuan ashtahuan llaquichishpa yalli huañuchishcamantami mancharirca.

1 SAMUEL 5:9

Chai puebloman apacpimi, Mandac Diosca chai pueblopi causaccunahuan piñarishpa, yallita llaquichirca. Chai pueblopi causaccunataca uchillacunamanta callarishpaca yuyaccunacamanmi chupu ungüihuan manchanayaita llaquichirca.

1 SAMUEL 6:1

Mandac Diospac Arcaca canchis quillatami filisteocunapac llactapi carca.