1 SAMUEL 4:4 - Dios Rimashcata Quillcashcami

⁴ Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.

1 SAMUEL 4:4 Iomraidhean Croise

2 SAMUEL 15:24

Shinallatac chai ñantaca Sadocpish tucui levitacunandi Dios ari nishca quillcata huacaichina Arcata huandushcami rirca. Shina rishpami, tucui gentecuna Jerusalenmanta llucshingacaman pamballapi samachirca. Ña tucui gentecuna puebloman llucshishca quipami Abiatarpish llucshirca.

2 SAMUEL 6:2

Chai quipami, Davidca tucui paihuan cac gentecunandi, Judá llacta Baala pueblomanta Diospac Arcata apamungapac rirca. Chai Arcapimi tucuita Mandac Diosta mañac carca. Chaica querubincunapac chaupipimi carca.

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

SALMOS 80:2

Can tucuita ruhuac cashcahuan Efrainpac, Benjaminpac, Manasespac aillucunapac ñaupapi ñucanchicta quishpichingapac shamuiyari.

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

ISAÍAS 37:16

«Israelcunapac tucuita Mandac Dioslla, canca querubincunapac chaupipimi causangui. Canllami tucui cai pachata mandaccunapac Mandac Dios cangui. Jahua pachatapish, cai pachatapish canmi ruhuarcangui.

MALAQUÍAS 1:9

Mandac Dios ñuca cancunaman allita ruhuachun mañaichic. Shina mañashpapish, mana alli ofrendata cucpica, ¿cancuna mañashcata chasquishachu? Chaitaca Mandac Dios ñucami nini.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

NÚMEROS 4:5

Israelcuna shuc llactaman rigricpica, Aaronmi paipac churicunahuan pañota uricuchishpa, mandashcacunata huacaichina Arcata pilluchinga.

NÚMEROS 7:89

Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.

1 SAMUEL 1:24

Huahuata chuchumanta raquishca quipami, Mandac Diospac huasiman Silo puebloman apamurca. Paihuanca quimsa huatata charic becitapish, ishcai chunga ishcai kilo harinatapish, shuc puñu vinotapish aparcami. Huahuaca uchillaracmi carca.

1 SAMUEL 14:3

Ahitob runapac churi Ahiasmi efod nishcacunata apac carca. Ahitobca Fineespac churimi carca. Shinallatac Icabodpac huauquimi carca. Fineesca Elí curapac churimi carca. Elica Silo pueblopimi Mandac Diosta servic cura carca. Israelcunaca Jonatán rictaca mana yacharcacunachu.

1 SAMUEL 2:22

Elica ña yuyacmi carca. Shina cashpapish, paipac churicuna israelcunata imata ruhuacucta shinallatac Dios-huan tupana huasi pungupi cuidac huarmicunahuan ima shina sueñushpa causacushcatapish tucuitami yacharca.