1 SAMUEL 4:3 - Dios Rimashcata Quillcashcami

³ Carpa huasicunaman israelcuna cutimucpimi, israelcunata pushac yuyaccunaca: —¿Cunanca, ima nishpatac Mandac Diosca filisteocuna mishachun saquinyari? Cunanca Dios ari nishca quillcata huacaichina Arcata Silo pueblomanta apamugrishunchic. Shina apamucpimi, paica ñucanchic chaupipi causashpa ñucanchicta piñaccunapac maquimanta quishpichinga— nirca.

1 SAMUEL 4:3 Iomraidhean Croise

2 SAMUEL 15:25

Ashtahuanpish jatun mandacca Sadoc curataca: —Diospac Arcataca Jerusalenllamantac cutichishpa apailla. Mandac Diospac ñaupapi ñuca alli ricuricpi, paillatac cutichimucpica, Arcatapish, Dios-huan tupana huasitapish ricushallami.

1 CRÓNICAS 17:1

David paipac huasipi causacushpami, Dios ima nishcata huillac Natantaca: —Riqui, ñucaca cedromanta ruhuashca sumac huasipimi causani. Ashtahuanpish Dios ari nishca quillcata huacaichina Arcaca carpa huasillapimi tiyacun— nirca.

SALMOS 74:1

Dioslla, ¿imamantatac ñucanchictaca huiñaita cungaringuiyari? ¿Ima nishpatac cambac michina pambacunapi cac ovejacunahuanca nina japiric shina piñaringuiyari?

SALMOS 74:11

¿Ima nishpatac cambac maquita pacanguiyari? ¿Ima nishpatac tucuita ruhuac cambac maquitaca cruzashpa shayacunguiyari?

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

ISAÍAS 59:1

Riquichic, cancunata quishpichingapacca Mandac Diospac poderca mana chingarishcachu. Cancuna mañashcata mana uyangapacca, paipac ringrica mana huichcarishcachu.

ISAÍAS 59:2

Ashtahuanpish cancuna mana allita ruhuashcallatacmi Diosmanta caruyachishca. Cancunapac juchallatacmi cancuna mañashcata uyanata jarcashca. Chaimantami paipac ñahuita pacashca.

JEREMÍAS 3:16

Chai punzhacunapi cancuna mirarishpa, cai llactapi achca tucucpica pipish: ‘¡Mandac Dios-huan ari nishca cajón!’ nishpa, mana rimangachu. Chai cajontaca mana yuyaringallapishchu. Mana minishtiringachu. Shuc mushuctapish mana ruhuangachu.

JEREMÍAS 7:4

Maijancuna: ‘¡Caica, Mandac Diospac huasimi! ¡Mandac Diospac huasimi! ¡Caica, Mandac Diospac huasimi!’ nicpipish, ama cringuichicchu.

NÚMEROS 10:33

Mandac Diospac urcumanta israelcuna rishpaca, quimsa punzhatami purirca. Mandac Dios-huan ari nishca quillcata huacaichina Arcahuanca ñaupashpami quimsa punzhata maipi samarinata mashcashpa purirca.

NÚMEROS 10:35

Arcata apashpa, puri callaricpica Moisesca: «¡Mandac Dioslla jatariyari! Canta mana ricunayachiccunata caita chaita cachaiyari. Canta piñaccunataca cambac ñaupamanta callpachiyari» nircami.

NÚMEROS 31:6

Shinami Moisesca cada aillumanta shuc huaranga macanacuc israelcunata macanacuiman cacharca. Eleazar curapac churi Fineasca macanacuipi tocangapacmi Diospaclla huasimanta vasocunatapish, trompetatapish apashpa rirca.

DEUTERONOMIO 29:24

Chaita tucui llactacunapi causaccuna tapushpaca: “¿Imamantatac Mandac Diosca cai llactataca cashna ruhuarca? ¿Imamantatac Diosca nina japiric shina piñarirca?” ningami.

DEUTERONOMIO 31:26

«Mandashcacunata quillcashca librota japishpa, Mandac Dios-huan ari nishca quillcata huacaichina Arca ladopi churaichic. Chaipimi cancunata llaquichinata ricuchishpa tiyacunga.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.

JOSUÉ 4:7

cancunaca: “Mandac Dios ari nishca quillcata huacaichina Arcata apashpa, Jordán yacuta pasagricpica, yacuca chaupirishpami ishcai ladoman saquirirca. Cai rumicunaca israelcunapac huahua huahuacunapac huiñaita yuyarinami can” ninguichic» nirca.

JOSUÉ 6:6

Nunpac churi Josué curacunata cayashpaca: «Dios ari nishca quillcata huacaichina Arcata apaichic. Canchis curacunaca oveja gachucunamanta ruhuashca canchis cornetata apashpami, Arcata huanduccunapac ñaupata ringacuna» nirca.

JOSUÉ 7:7

Chashna cashpami Josueca: —¡Mandac Dioslla! ¿Imapactac cai gentecunataca amorreocuna tucuchichun Jordán yacuta pasachishpa, cai puebloman apamurcangui? ¡Jordán yacu chimba ladopi saquirishpachari alli canchicman carca!

JOSUÉ 7:8

¡Mandac Dioslla! Israelcunata piñaccuna macashpa mishashpa, catishpa cachacpica, ¿imatatac nishayari?

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

SAN JUDAS 1:5

Cancuna ña yachashca cacpipish, Mandac Diosca israelcunata Egipto llactamanta llucchishca quipa, Paita mana criccunata chingachishcatami yuyachisha nini.

1 SAMUEL 1:24

Huahuata chuchumanta raquishca quipami, Mandac Diospac huasiman Silo puebloman apamurca. Paihuanca quimsa huatata charic becitapish, ishcai chunga ishcai kilo harinatapish, shuc puñu vinotapish aparcami. Huahuaca uchillaracmi carca.

1 SAMUEL 14:18

Shina cacpimi, Saulca Ahías curataca: «¡Diospac Arcata caiman apamui!» nirca. Chai punzhacunaca Diospac Arcataca israelcunami charicurca.

1 SAMUEL 4:2

Filisteocunaca israelcunahuan macanacungapacmi allichirirca. Chai yalli sinchi macanacuipi filisteocuna israelcunata atishpami, chai pambapica chuscu huaranga israelcunata huañuchirca.