1 SAMUEL 4:18 - Dios Rimashcata Quillcashcami

¹⁸ Diospac Arcata quichurcami nicpica, bancumanta Elica azhacman tigrarca. Paica ña yuyac cashcamanta shinallatac llashac cashcamantami urmashpaca nucata paquishpa huañurca. Paica chuscu chunga huatatami israelcunataca mandarca.

1 SAMUEL 4:18 Iomraidhean Croise

SALMOS 26:8

Mandac Dioslla, cambac sumaimana causana huasitaca cuyanimi.

SALMOS 42:10

Ñucata piñaccunaca punzhantami: «¿Maipitac cambac Diosca?» nishpa tapuncuna. Chashna rimashpami, ñuca tullucunataca ñutuchic shina llaquichincuna.

SALMOS 42:3

Tutapish, punzhapish huacashpami huiquillata micucuni. Punzhantami ñucataca: «¿Maipitac cambac Diosca?» nishpa llaquichincuna.

SALMOS 69:9

Canta mañana huasita yallita munashpami huañucuni. Canta rimashcacunaca ñucatami llaquichin.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

JUECES 15:20

Sansonca ishcai chunga huatatami filisteocuna causacui punzhacunapica israelcunata mandarca.

1 SAMUEL 4:13

Chai runa chayacpica, Elimi ñan ladopi chapashpa bancupi tiyacushca carca. Paica Diospac Arcata yuyarishpami shungupica chucchushpa tiyacurca. Chai runa Silo puebloman chayashpa paicunaman huillacpica, tucui chai pueblopi causaccunami yallita caparicurca.

1 SAMUEL 4:17

Shina tapucpimi, chai runaca: —Filisteocuna macanacushpa mishacpimi, israelcunaca miticushpa callparca. Israelcunapurapica achca huañushcami tiyan. Cambac churicuna, Ofnitapish, Fineastapish huañuchishpami Diospac Arcatapish quichushpa aparcacuna— nirca.

1 SAMUEL 4:19

Chai punzhallapitacmi Fineaspac huarmi Elipac nueraca huicsayuc tucushpa ña sajuarinalla carca. Chashna cashpami paica: “Diospac Arcata quichurcami, paipac suegropish, paipac cusapish huañushcami” nicta uyashpami yallita nanai japicpi sajuarirca.