1 SAMUEL 4:10 - Dios Rimashcata Quillcashcami

¹⁰ Filisteocunaca sinchita macanacushpami, israelcunataca atirca. Shina aticpimi, paicunapac quiquin carpa huasicunaman miticushpa callparca. Chaipi yallita huañuchicpimi, chaquillahuan ric israelcunaca quimsa chunga huaranga soldadocuna huañurca.

1 SAMUEL 4:10 Iomraidhean Croise

2 SAMUEL 18:17

Chai quipaca, Absalonpac cuerpota japishpami, chai sachapi tiyac jutcupi shitashpa, chai jahuapica jatun rumi montonta ruhuarca. Chai quipaca, israelcunaca tucuimi quiquin carpa huasicunaman miticushpa callparca.

2 SAMUEL 18:7

Chaipimi israelcunaca Davidpac serviccuna aticpi huañurca. Chai punzhapica ishcai chunga huaranga runacunatami Absalonpac gentecunataca huañuchirca.

2 SAMUEL 19:8

Shina nicpimi, jatun mandacca jatarishpa, pueblo yaicunaman rishpa tiyarirca. Chaipi tiyarishpaca: «Riqui, cai pueblo yaicunapimi jatun mandacca tiyacun» nirca. Shina nicpimi, tucui gentecuna jatun mandacpac ñaupaman shamurca. Ashtahuanpish israelcunaca paicunapac quiquin carpa huasicunamanmi miticushpa rishca carca.

2 SAMUEL 20:1

Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

1 REYES 12:16

Tucui israelcunaca paicuna mañashcata jatun mandac mana uyasha nicpica: «Davidmantaca, ¿imatatac ñucanchicca charinchic? ¿Israelpac churimantaca, ima japinatatac charinchic? ¡Israelcuna cancunapac, carpa huasicunaman richiclla! ¡David cunanca, cambac huasi ucupurata ricuilla!» nirca. Shina nishpami, israelcunaca paicunapac carpa huasicunaman rircacuna.

1 REYES 22:36

Ña inti tigracucpimi, carpa huasicunamanta caparishpaca: «¡Tucui gentecuna cancunapac pueblocunaman, llactacunaman cutichic!

2 REYES 14:12

Judá gentecunaca israelcuna aticpimi, paicunapac quiquin carpa huasicunaman miticushpa callparca.

2 CRÓNICAS 13:17

Chai macanacuipimi Abiasca paipac soldadocunahuan sinchita macanacushpa, pichca patsac huaranga acllashca Israel soldadocunata huañuchirca.

2 CRÓNICAS 25:22

Ashtahuanpish Judá llactamanta soldadocunaca Israel soldadocuna mishacpimi, paicunapac huasicunaman miticushpa callparcacuna.

SALMOS 78:9

Efrainpac huahua huahuacunaca mai alli arcocunata charishpapish macanacui punzhapica huashaimanmi callparca.

JEREMÍAS 7:12

Ñaupa punzhacunapi ñuca shutita causachun churashca Silo llactaman richic. Chaipi ñuca acllashca israelcuna mana allita ruhuashcamanta ñuca imata ruhuashcata ricuichic.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

DEUTERONOMIO 28:15

Mandac Dios rimashcata mana uyashpa, cunan ñuca huillashca mandashcacunatapish, pactachinacunatapish mana cazucpica, llaquicunami shamunga.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

1 SAMUEL 3:11

Shina nicpimi, Mandac Dios Samueltaca: —Riqui, cai israelpurapica jatun mancharinatami ruhuagrini. Chashna ruhuashcata maijan uyashpaca ishcai ringritami nanachinga.

1 SAMUEL 4:2

Filisteocunaca israelcunahuan macanacungapacmi allichirirca. Chai yalli sinchi macanacuipi filisteocuna israelcunata atishpami, chai pambapica chuscu huaranga israelcunata huañuchirca.