1 SAMUEL 3:9 - Dios Rimashcata Quillcashcami

⁹ Chaimantami Elica Samueltaca: —Cutin sueñungapac rilla. Cutin cayacpica: “Mandac Dioslla, canta servic ñucaca uyacunimi, rimailla” ningui— nirca. Shina nicpi, Samuelca maipi sueñucushcallamantac rishpa sueñugrirca.

1 SAMUEL 3:9 Iomraidhean Croise

SALMOS 85:8

Mandac Dios rimashcata uyashami. Pai acllashcacunamanca cushi causaitami huillanga. Paipacllacuna imapish mana allita ama ruhuachun, ima mapapipish ama urmachunmi rimanga.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

ÉXODO 20:19

Shina cacpimi Moisestaca: —Canlla parlailla. Ñucanchicca uyashunllami. Mandac Diosca ama ashtahuan rimachun. Pai rimacpica, huañushunmi— nirca.

ISAÍAS 6:8

Chai quipa Mandac Dios rimashca uyarishpaca: —¿Pitatac cachashayari? ¿Pitac ñucanchicmanta huillagringayari?— nirca. Shina nicpimi ñucaca: —Caipimi cani. Ñucata cachailla— nircani.

DANIEL 10:19

Chai quipami paica: “Canca yallita cuyashcami cangui, ama manchaichu. Cushi causaitami causangui. Canca fuerzata japishpa sinchicuilla” nirca. Pai chashna nicucllapitacmi sinchiyarcani. Chashna cashpami: “Ñuca amolla, ñucata sinchiyachishcanguimi, cunanca rimailla” nircani.

HECHOS 9:6

Chaimanta Saulo manchaihuan chucchushpaca: —Cunanca, ¿imatatac ruhuachun ningui?— nirca. Shina nicpimi, Apunchic Jesusca: —Jatarishpa, Damasco pueblollamantac ri. Chaipimi can imata ruhuana cashcataca huillanga— nirca.

JOSUÉ 5:14

Shina tapucpi chai runaca: —Mana, ashtahuanpish Mandac Diospac soldadocunata mandacmi cani— nirca. Shina nicpi, Josueca pambacaman cumurishpa, allimari cangui nishpaca: —Ñucata mandaclla canta servictaca, ¿imatatac ruhuachun ninguiyari?— nirca.

1 SAMUEL 3:10

Mandac Dios shamushpami puntaman shinallatac: —¡Samuel, Samuel!— nishpa cayarca. Shina cayacpimi Samuelca: —Canta servic ñucaca uyacunimi, rimailla— nirca.

1 SAMUEL 3:8

Mandac Diosca caihuanca ñami quimsa cutin cayarca. Samuelca Elipacman shamushpami: —Caipimi cani. ¿Imapactac cayarcangui?— nirca. Chaipimi, Elica Samuelta Mandac Dios cayacucta entendirca.