1 SAMUEL 27:8 - Dios Rimashcata Quillcashcami

⁸ Davidca paipac runacunandi huichai rishpami gesurita, gezrita, amalecita gentecunahuan macanacurca. Paicunami punta huatacunamanta pacha Shur shitashca pambaman rina ñan lado llactamantaca Egipto llacta ladocaman causarca.

1 SAMUEL 27:8 Iomraidhean Croise

2 SAMUEL 14:23

Chashna nishca quipa jatarishpaca, Gesur pueblomanta Jerusalenman Absalonta pushamungapac rircami.

2 SAMUEL 14:32

Shina nicpimi, Absalonca Joabtaca: —Riqui, ñucami cantaca cayachun cacharcani. Cantaca jatun mandacpacman rishpa: “¿Imapactac ñucataca Gesur pueblomanta cayachun cacharcangui? Ñuca caipi cashna canapac randica chaillapitac saquirishpami alli caiman carcani. Cunanca can jatun mandactaca ricusha ninimi. Ñuca ima mana allita ruhuashca cacpica, huañuchichunlla” nichunmi cantaca cachasha nircani— nirca.

2 SAMUEL 15:8

Canta servic ñucaca Siria llacta Gesur pueblopi cashpami Mandac Diostaca: “Can Jerusalenman cutichicpica, canta servishami” nircani— nirca.

2 SAMUEL 3:22

Chai quipami Davidta serviccunaca Joabhuan paicunata piñaccunahuan macanacushpa, imallata quichushcahuan Davidpacman chayamurca. Abnerca ña mana Hebrón pueblopichu Davidhuan carca. Ashtahuanpish David caya minchacaman nicpimi, cushilla rishca carca.

2 SAMUEL 3:3

Ishcainiqui churica Carmel pueblomanta huañuc Nabalpac huarmi Abigailpi charishca Quileabmi carca. Quimsaniqui churica Gesur pueblota mandac Talmaipac ushi Maaca huarmipi charishca Absalonmi carca.

2 SAMUEL 8:12

Chaicunaca David siriocunamanta, edomitacunamanta, moabitacunamanta, amonitacunamanta, filisteocunamanta, amalecitacunamanta, Soba llactata jatun mandac Hadad-ezermanta quichushcacunami carca. Hadad-ezerca Rehobpac churimi carca.

1 CRÓNICAS 2:23

Shina cacpipish Gesur, Aram runacunami Jairpac pueblocunatapish, Kenat pueblotapish sucta chunga pueblocunata muyundi uchilla llactacunandi japirca. Chaipi tucui causaccunami Galaadpac taita Maquirpac churicuna carca.

ÉXODO 15:22

Moisés israelcunata Puca Cuchamanta pushacpica, shitashca Shur pambamanmi rirca. Chaipi quimsa punzhata, maipi yacuta mana tarishpa puricushpami, Mara pambaman chayarca.

ÉXODO 17:8

Refidim pambapimi amalecitacunaca israelcunahuan macanacungapac shamurca.

NÚMEROS 13:29

Neguevpica amalecitacunami causan. Cutin urcucunapica heteocuna, jebuseocuna, amorreocunami causan. Mama cucha pambacunapi, Jordán yacu muyundi pambacunapica cananeocunami causan» nirca.

NÚMEROS 14:45

Chashna ricpica, chai urcupi causac amalecitacunami cananeocunahuan shamushpa macashpa chugrichishpa, Hormacaman catirca.

JOSUÉ 12:5

Paica Hermón urcupi tiyac Salca pueblota, shinallatac tucui Basán llactata, Gesur llactahuan Maaca llactahuan tupanacuicaman, shinallatac Galaad chaupi llactacaman, Hesbón pueblota jatun mandac Sehón mandacuc llacta linderocamanmi mandacurca.

JOSUÉ 13:13

Shina cashpapish, israelcunaca gesurcunata, maacateocunataca mana llucchishpa cacharcachu. Ashtahuanpish paicunaca cunancamanmi israelcunapac chaupipi causancuna.

JOSUÉ 13:2

Cai llactacunami tiyanrac: Filisteocuna causana, gesurcuna causana tucui llactacuna,

JOSUÉ 16:10

Shina cacpipish, Efrainpac ailluca Gezer pueblopi causac cananeocunataca mana llucchishpa cacharcachu. Chaimantami cananeocunaca impuestota cushpa cunancaman paicunapac chaupipi causancuna.

JUECES 1:29

Efraín aillupish Gezer pueblopi causac cananeocunataca mana llucchishpa cachai pudircachu. Ashtahuanpish paicunapac chaupillapitacmi Gezer pueblopi causarca.

1 SAMUEL 29:6

Shina nicpimi, Aquisca Davidta cayashpaca: —¡Mandac Diospac shutipimi nini: Canca cashcata ruhuacmi cangui! Maiman rishpapish, cutimushpapish allita ruhuashpami ñuca carpa huasipica causacungui. Ñucapacman shamushca punzhamanta pacha, cunancaman ima mana allita ruhuactapish cantaca mana ricushcanichu. Ashtahuanpish caishuc mandaccunapac ñaupapimi mana alli ricuringui.

1 SAMUEL 30:1

Davidca quimsa punzha quipami paipac runacunandi Siclag puebloman chayarca. Chaiman chayacpica, amalecitacunami shitashca pamba Neguevta rishpa, Siclag puebloman yaicushpa ninata japichishpa tucuchishca carca.