1 SAMUEL 26:8 - Dios Rimashcata Quillcashcami

⁸ Shina ricushpami Abisaica Davidtaca: —¡Cunanmi, Diosca canta piñactaca cambac maquipi churashca! Cunanca, paita lanzahuan ñuca huañuchingapac saqui. Paitaca shuc shitai allpacaman pasachishpa huañuchisha— nirca.

1 SAMUEL 26:8 Iomraidhean Croise

2 SAMUEL 16:9

Chaimantami Sarviapac cari huahua Abisaica jatun mandactaca: —¿Ima nishpatac cai huañushca allcu shinaca, ñuca jatun mandactaca maldicianyari? ¡Ñuca paipac cungata pitigrichun saqui!— nirca.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

JEREMÍAS 40:15

Chaimanta Careapac churi Johananca Mizpa llactapi Gedaliasta cayashpaca: «Netaniaspac churi Ismaelta cunanllata huañuchigrichun saqui. Chaitaca pipish mana yachangachu. ¿Ima nishpatac cantaca huañuchingayari? ¿Ima nishpatac canhuan tandanacushpa Judá llactapi causaccuna caita, chaita richun saquishunyari? ¿Ima nishpatac maijanpish saquirishca Judá llactapi causaccunaca tucuringayari?» nirca.

NAHÚM 1:9

¿Imamantatac Mandac Diosta piñachisha nicunguichic? Paita piñaccunataca jaicapi mana jataripacta ruhuashpami tucuita tucuchinga.

ROMANOS 11:32

Diosca tucui gentecunata llaquingapacmi, paita mana cazuchun saquirca.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JOSUÉ 21:44

Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.

JUECES 1:4

Judá aillu huichai rishpa macanacucpica, Mandac Diosmi cananeocunata, ferezeocunata paicunapac maquipi churarca. Chashna churacpimi, Bezec pueblopi macanacushpa chunga huaranga gentecunata huañuchirca.

1 SAMUEL 23:14

Shinami Davidca shitashca pamba Zif urcucunaman rishpa pirca huashacunapi miticushpa causacurca. Saulca punzhanta mashcacucpipish Diosca Davidtaca mana paipac maquipi churarcachu.

1 SAMUEL 24:4

Chaipimi Davidpac runacunaca: —Cunan punzhami Mandac Dios: “Canta piñaccunataca cambac maquipimi churasha. Paitaca can imata munashcata ruhuangui” nishcaca pactashca— nirca. Shina nicpimi, Davidca jatarishpa Saulpac jahualla churanata upalla ashata pitirca.

1 SAMUEL 24:5

Saulpac jahualla churanata ashata pitishcamantami Davidca paipac shungupi yallita llaquirirca.

1 SAMUEL 26:23

Mandac Dios cashcata ruhuacmanpish, alli cazucmanpish cuna cashcata cuchun. Cunanca Mandac Diosllatacmi cantaca ñuca maquipi churarca. Ashtahuanpish ñucaca Mandac Dios acllashca jatun mandacta mana huañuchircanichu.

1 SAMUEL 26:7

Shinami Davidpish, Abisaipish chai tutallatac soldadocunapacman rirca. Saulca paipac lanzata uma ladopi shayachishpami carpa huasipi sueñucurca. Cutin Abnerpish, soldadocunapish, Saulpac muyundipimi sueñucurcacuna.

1 SAMUEL 26:9

Shina nicpimi, Davidca Abisaitaca: —Ama huañuchichu. Mandac Dios acllashca jatun mandacta huañuchicpica, paipish llaquichingami— nirca.