1 SAMUEL 26:17 - Dios Rimashcata Quillcashcami

¹⁷ Shina nicpimi, Saúl David rimashcata ricsishpaca: —Ñuca huahua Davidlla, ¿manachu can rimaricungui?— nirca. Shina nicpimi Davidca: —¡Ari, ñuca amo jatun mandaclla! ¡Ñucallatacmi rimaricuni!— nirca.

1 SAMUEL 26:17 Iomraidhean Croise

GÉNESIS 37:33

Jacoboca paipac churipac churanata ricsishpaca: «¡Ari, caica ñuca churipac churanami! ¡Ima sacha animalmi micushca canga, Josetaca tucuimi pitinacushca!» nirca.

1 SAMUEL 24:16

David chashna nishca quipami Saulca: —¿Manachu ñuca churi Davidllatac cashna nicungui?— nirca. Shina nishpami Saulca sinchita huacarca.

1 SAMUEL 24:17

Chai quipami Davidtaca: —Ñuca canta mana allita ruhuacucpipish, canca allitami ñucamanca ruhuashcangui. Chaimantami canca ñucata atishpa cashcata ruhuac cangui.

1 SAMUEL 24:8

David jatarishpa, machaimanta llucshishpaca: —¡Jatun mandac ñuca amolla!— nishpa caparirca. Shina caparicpi, Saúl tigrarishpa ricucpica, Davidca allpaman chayactami cumurirca.