1 SAMUEL 26:14 - Dios Rimashcata Quillcashcami

¹⁴ Chaipi cashpami, Davidca soldadocunatapish, Nerpac churi Abnertapish caparishpaca: —Abner, ñuca caparicuctaca ¿Manachu uyangui?— nirca. Shina nicpimi Abnerca: —Jatun mandacta caparingapacca, ¿canca pitac canguiyari?— nirca.

1 SAMUEL 26:14 Iomraidhean Croise

2 SAMUEL 2:8

Shina cacpipish Nerpac churi, Saulpac soldadocunata mandac Abnerca Saulpac churi Is-bosetta Mahanaim puebloman pusharca.

1 SAMUEL 14:50

Saulpac huarmica Ahimaaspac ushi Ahinoammi carca. Saulpac soldadocunata mandacca Nerpac churi Saulpac tio Abnermi carca.

1 SAMUEL 26:13

Davidca shuc ladoman pasashpa, caruman tucushpami shuc lomapi shayarirca. Chai lomaca paicunamanta carupimi carca.

1 SAMUEL 26:15

Shina nicpimi, Davidca Abnertaca: —¿Canca tucuita yalli sinchi runami cangui? ¿Israelpurapica can shina runaca pitac tiyanyari? ¿Ima nishpatac jatun mandac cambac amotaca mana cuidarcangui? Soldadocunapuramanta shucmi jatun mandac cambac amotaca huañuchingapac yaicurca.