1 SAMUEL 26:11 - Dios Rimashcata Quillcashcami

¹¹ Mandac Dios acllashca jatun mandacta ñuca huañuchinamantaca Mandac Diosllatac jarcachun. Cunanca paipac uma ladopi shayacuc lanzata, jarro yacutapish apashpa jaculla— nirca.

1 SAMUEL 26:11 Iomraidhean Croise

2 SAMUEL 1:14

Shina nicpimi Davidca: —¿Canca ima nishpatac aceitehuan cahuishpa Mandac Dios acllashca runataca mana manchashpa maquihuan huañuchircangui?— nirca.

2 SAMUEL 1:16

Chashna huañuchishca quipami Davidca: —Cambac shimillahuantac: “Aceitehuan cahuishpa Mandac Dios acllashca runataca ñucami huañuchircani” nishpaca cambac shimillahuantacmi llaqui tucushcangui. Chaimanta canta huañuchishpa jichashca yahuarca cambac jahuallatami— nirca.

2 SAMUEL 19:22

Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.

SALMOS 17:4

Mana shuccuna shina millaita rimanichu. Cambac mandashca shimicunata cazushpami millaicunapac ñantapish mana catircani.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

ROMANOS 12:19

Cuyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Dios llaquichichun saquinguichic. Chaica, Dios quillcachishcapica: «Llaquichina cacpica, ñucami llaquichisha. Paicuna japina cashcatami cusha» ninmi.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

1 SAMUEL 12:3

Cunanpish caipimi cani. Cunan imatac nina cashpapish, mandac Diospac ñaupapi nichiclla. Huagrata cashpa, burrota cashpa maijanmanta quichushca cacpica, ñahui ñahui nichiclla. Maijanta cashpapish yanga juchanchishpa llaquichishca cacpi, mana cashpaca maijanmanta imatapish pacalla japishpa ñahuita huichcac shina mana ima nishpa saquishca cacpica huillaichiclla. Ñucaca cancunaman ima cutichina cacpipish cutichishallami— nirca.

1 SAMUEL 24:12

Cantapish, ñucatapish Mandac Diosllatac ricuchun. Ñucata can llaquichishcamantaca Mandac Diosllatac llaquichichun. Ashtahuanpish ñuca poderhuanca mana llaquichishachu.

1 SAMUEL 24:4

Chaipimi Davidpac runacunaca: —Cunan punzhami Mandac Dios: “Canta piñaccunataca cambac maquipimi churasha. Paitaca can imata munashcata ruhuangui” nishcaca pactashca— nirca. Shina nicpimi, Davidca jatarishpa Saulpac jahualla churanata upalla ashata pitirca.

1 SAMUEL 24:6

Chaimantami paipac runacunataca: —Mandac Dios acllashpa aceitehuan cahuishca ñuca amota huañuchinamantaca Mandac Diosllatac jarcachun. Paica Mandac Diospaclla cachun aceitehuan cahuishca mandacmari— nirca.