1 SAMUEL 26:10 - Dios Rimashcata Quillcashcami

¹⁰ Shinallatac Davidca: —¡Mandac Diospac shutipimi nini: Mandac Diosllatacmi paitaca llaquichinga, mana cashpaca paipac huañuna punzhami chayanga, mana cashpaca jatun macanacuipimi chingaringa!

1 SAMUEL 26:10 Iomraidhean Croise

GÉNESIS 47:29

Taita Israel chashna ña yuyac cashpa, pai huañuna punzha ña chayamucpi, paipac churi Joseta cayachishpaca: —Cambac ñahuipi ñuca alli ricurishca cacpi, can ñucata cuyashpaca, cambac maquita ñucapac changa jahuapi churashpa, ñuca mañashcata pactachingapac ari ni. Ñuca huañucpica, amatac cai Egiptopi enterranguichu.

JOB 14:14

¿Shuc runa huañushpaca causaringachu? Tucui ñuca causai punzhacunami quishpirina chayamunata shuyacushalla.

JOB 14:5

Paipac causaica asha punzhacamanllami. Pai causana quillacunapish cambac maquipimi. Canmi ima punzhacaman causanataca churashcangui. Chai punzhamantaca mana pasangachu.

JOB 7:1

Cai pachapi causaccunaca shaicushpami imatapish ruhuashpa causan. Paicunapac punzhacunaca, trabajac runapac punzha tucuric shinami tucurin.

SALMOS 37:10

Asha punzha quipaca millaita ruhuacca chingaringami. Pai tiyacushca pushtupi ricugrishpapish mana taringuichu.

SALMOS 37:13

Mandac Diosca chai runata llaquichina punzha chayamucucta yachashpaca asingami.

SALMOS 94:23

Paimi, paicuna millaita ruhuashcamantaca paicuna ima shina ruhuashca shinallatac llaquichinga. Paicuna millaita ruhuashcamantami chingachinga. Ñucanchicta Mandac Diosmi tucuchinga.

ECLESIASTÉS 3:2

Huacharingapacpish, huañungapacpish punzha tiyanmi. Tarpungapacpish, chai tarpushcata pilangapacpish punzha tiyanmi.

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?

ROMANOS 12:19

Cuyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Dios llaquichichun saquinguichic. Chaica, Dios quillcachishcapica: «Llaquichina cacpica, ñucami llaquichisha. Paicuna japina cashcatami cusha» ninmi.

DEUTERONOMIO 31:14

Mandac Diosca Moisestaca: «Riqui, ñami cambac huañuna punzhaca chayamushca, Josueta ñucahuan tupana huasiman pushai. Chaipimi pai imata ruhuanata mandasha» nirca. Shina nicpimi, Moisesca Josuehuan Dios-huan tupana huasipi shuyarca.

DEUTERONOMIO 32:35

Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.

HEBREOS 10:30

Mandac Diosca: «Ñucami llaquichiccunataca llaquichisha. Ñucami paicuna japina cashcata cusha» ninmi. Shinallatacmi: «Ñuca huahuacunataca ñucami taripasha» ninmi. Chaitaca yachanguichicmi.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

APOCALIPSIS 18:8

Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.

1 SAMUEL 24:12

Cantapish, ñucatapish Mandac Diosllatac ricuchun. Ñucata can llaquichishcamantaca Mandac Diosllatac llaquichichun. Ashtahuanpish ñuca poderhuanca mana llaquichishachu.

1 SAMUEL 24:15

Mandac Diosllatac cantapish, ñucatapish ricushpa llaquichichun. Paillatac ñuca ima shina cashcatapish ricuchun. Can llaquichisha nishcamantapish paillatac quishpichichun— nirca.

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.

1 SAMUEL 25:38

Chaimanta chunga punzha quipaca, Mandac Diosllatac anchayachicpimi, Nabalca huañurca.

1 SAMUEL 25:39

Nabal huañushcata David yachashpaca: «¡Mandac Diosca alli nishca cachun! ¡Nabaltaca ñucata rimashpa pingaichishcamantami llaquichishca! ¡Mandac Diosmi paita servic ñuca mana allita ruhuanamantaca jarcarca! ¡Mandac Diosllatacmi, Nabal mana allita ruhuashcamantaca paillatatac llaquichirca!» nirca. Chai quipami Davidca Abigaíl huarmihuan cazarangapac rimachun cacharca.

1 SAMUEL 31:4

Chaimantami Saulca paipac escudota apac runataca: «Cambac espadata llucchishpa, ñucata huañuchi. Circuncisionta mana ruhuashca chai runacuna shamushpa, ñucata huañuchishpa, asichunca mana munanichu» nirca. Shina nicpi, paipac escudota apac runaca yallita manchashpami, mana huañuchisha nirca. Chaimantami Saulca paipac espadallatatac japishpa, paillata huañurca.

1 SAMUEL 31:6

Chai punzhami Saulpish, paipac quimsa churicunapish, paipac escudota apac runapish, paihuan puric tucui gentecunapish huañurca.