1 SAMUEL 24:5 - Dios Rimashcata Quillcashcami

⁵ Saulpac jahualla churanata ashata pitishcamantami Davidca paipac shungupi yallita llaquirirca.

1 SAMUEL 24:5 Iomraidhean Croise

2 SAMUEL 12:9

¿Ima nishpatac ñuca nishcataca mana uyashpa, ñucapac ñaupapi mana allita ruhuarcangui? Heteopuramanta Uriaspac huarmita japingapacmi Uriastaca huañuchircangui. Canca Amón llacta gentecunapacman cachashpami huañuchichishcangui.

2 SAMUEL 24:10

Chai gentecunata David yupachishpaca, mana allita ruhuashcatami paipac shungupimi sintirca. Chaimantami Davidca Mandac Diostaca: —Caita ruhuashpaca yallitami juchallishcani. Caitaca yuyai illac shinami ruhuashcani. Cunanca, Mandac Diosllatac canta servic ñucamanta cai juchata anchuchiyari— nirca.

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

SALMOS 59:11

Ñuca llacta gentecuna ama cungarichunca paicunataca ama huañuchinguichu. Cambac poderhuan maita cachashpa llaquichiyari. Can Mandac Diosca ñucanchic jarcarina escudomi cangui.

1 SAMUEL 26:8

Shina ricushpami Abisaica Davidtaca: —¡Cunanmi, Diosca canta piñactaca cambac maquipi churashca! Cunanca, paita lanzahuan ñuca huañuchingapac saqui. Paitaca shuc shitai allpacaman pasachishpa huañuchisha— nirca.