1 SAMUEL 23:4 - Dios Rimashcata Quillcashcami

⁴ Shina nicpi, David Mandac Diosta cutinllatac tapucpimi Mandac Diosca: —Jatarishpa Keila puebloman rilla. Ñucami filisteocunataca cambac maquipi churasha— nirca.

1 SAMUEL 23:4 Iomraidhean Croise

2 SAMUEL 2:1

Chai quipami, Davidca Mandac Diostaca: —¿Judá llacta maijan pueblocunaman huichai rinachu cani?— nishpa tapurca. Shina tapucpi Mandac Diosca: —Huichai rilla— nirca. Shina nicpimi Davidca: —¿Maimantac huichai rina cani?— nirca. Shina nicpimi Mandac Diosca: —Hebrón pueblomanmi rina cangui— nirca.

2 SAMUEL 5:19

Chaimantami David Mandac Diosta tapushpaca: —¿Filisteocunahuan macanacungapac huichai rinachu cani? ¿Paicunata ñuca maquipi churanguichu?— nirca. Shina nicpimi Mandac Diosca: —Macanacugrilla, paicunataca cambac maquipimi churasha— nirca.

2 REYES 3:18

Mandac Diosca mana chaillatachu ruhuanga. Ashtahuanpish moabitacunatapish cancunapac maquipimi churanga.

1 CRÓNICAS 14:10

Shina cacpimi Davidca Mandac Diostaca: —¿Filisteocunahuan macanacungapac rishachu? ¿Paicunataca ñuca maquipi churanguichu?— nishpa tapurca. Shina tapucpi, Mandac Diosca: —Paicunataca cambac maquipimi churasha. Macanacugrilla— nirca.

JOSUÉ 8:7

Chashna catishpa caruyacpica, cancunaca pueblo huashamanta cungailla llucshishpa, chai pueblota japinguichic. Chaica Mandac Dios chai pueblotaca ñucanchic maquipimi churashca.

JUECES 6:39

Shina cacpipish Gedeonca Mandac Diostaca: —Ama ñucahuan piñarichu. Caillahuanmi mañagrini. Caillahuanmi ricugrini. Millmasapa caraca chaquishca cachun, cutin muyundi pambaca shullahuan jucushca cachunmi munani— nirca.

JUECES 7:7

Chaipimi Mandac Diosca Gedeontaca: «Cai quimsa patsac gentellahuanmi israelcunata quishpichishpa madianitacunataca cambac maquipi churasha. Caishuccunaca paicunapac quiquin huasicunaman cutichunlla» nirca.

JUECES 7:9

Chai tutallatacmi Mandac Dios Gedeontaca: «Jatari, madianitacuna tiyacuc carpa huasicunapi macanacungapac urai ri. Cambac maquipimi paicunataca churarcani.

1 SAMUEL 10:22

Chaimantami Saúl chayamushcata yachangapac Mandac Diostaca: —¿Chai runaca ñachu caiman shamurca?— nishpa tapurca. Shina nicpimi, Mandac Diosca: —Riquichic, paica macanacungapac tucui apamushca chaupipimi miticushca can— nirca.

1 SAMUEL 23:2

Shina huillacpimi Davidca Mandac Diostaca: —¿Chai filisteocunahuan macanacugrishachu?— nishpa tapurca. Shina tapucpimi, Mandac Diosca Davidtaca: —Filisteocunahuan macanacushpa, Keila pueblopi causaccunata quishpichigri— nirca.

1 SAMUEL 23:3

Ashtahuanpish Davidpac runacunaca: —Riqui, ñucanchicca cai Judá llactapi cashpapish manchaihuanmi canchic. ¡Keila puebloman rishpa, filisteocunahuan macanacunatacarin ashtahuanmi manchanayanga!— nirca.

1 SAMUEL 23:5

Shina nicpimi, Davidca paipac runacunahuan Keila puebloman rishpa, filisteocunataca macashpa tucuita atirca. Chashna atishpami, paicunapac animalcunatapish quichushpa Keila pueblopi causaccunataca quishpichirca.

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.

1 SAMUEL 30:8

Shina apamucpimi, Davidca Mandac Diosta tapushpaca: —¿Chai shuhuac runacunataca macangapac catishachu? ¿Catishpaca japi pudishachu?— nirca. Shina tapucpimi Mandac Diosca: —Catilla, japigringuimi. Prezu apashcacunatapish quichumunguimi— nirca.