1 SAMUEL 22:3 - Dios Rimashcata Quillcashcami

³ Chaimantaca Davidca Moab llacta Mizpa pueblomanmi rirca. Chaiman chayashpami Moab llactata jatun mandactaca: —Dios ñucata imatapish mandangacaman ñuca taitatapish, ñuca mamatapish caipi cancunahuan causachun saqui— nirca.

1 SAMUEL 22:3 Iomraidhean Croise

GÉNESIS 47:11

Chashnami Joseca paipac taitamanpish, huauquicunamanpish Faraón mandashca shina, Egipto llactapi tiyac Ramesés llactapi tucuimanta yalli alli allpata curca.

2 SAMUEL 8:2

Shinallatac moabitacunatapish atishpami, pambapi sirichishpa huascahuan medirca. Ishcai huasca jundata medicpica huañuchircami. Shuc huasca jundata medicpica, mana huañuchircachu. Moabitacunaca Davidta servic tucushpami, Davidman impuestota cushpa causarca.

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

1 TIMOTEO 5:4

Ashtahuanpish maijan viuda huahuacunata, nietocunata charicpica, paicunarac ima shina taita mama huiñachishcata yuyarishpa, mamata ayudachun yachachingui. Chaimi alli, shinallatac Diostapish cushichinmi.

JUECES 11:29

Mandac Diospac Espíritu japicpimi, Jefteca Galaad llactata, Manasés llactata rishpa, Galaad llactapi cac Mizpa pueblopi chayashpa, chaimantaca amonitacunahuan macanacugrirca.

RUT 4:10

Huañuc Mahlonpac huarmi moabitapura Ruttaca ñuca huarmi cachunmi japini. Shinallatac huañushca cusapac allpacunapish paipac shutillapitacmi saquiringa. Shina ruhuacpimi, caipi tandanacushcacunapish, paipac familiacunapish huañushcapac shutitaca mana cungaringa. Chaitaca cancunallatacmi ricucunguichic— nirca.

RUT 4:17

Chaita ricushpami chai vecina huarmicunaca: «¡Noemimanmi shuc huahua huacharishca!» nircacuna. Chashna nishpami Obed shutita shutichirca. Paimi Isaipac taita carca. Cutin Isaica Davidpac taitami carca.

1 SAMUEL 14:47

Saulca Israel llactapi jatun mandac tucushpami, muyundi llactapi causac paita piñac Moab, Amón, Edom llactapi causaccunahuan, Soba llactata jatun mandac-huan, filisteocunahuan macanacurca. Maiman rishpapish paica aticmi carca.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.

1 SAMUEL 22:4

Shina nishpami Moab llactata jatun mandacpacman pusharca. Pircashca huashapi David miticushpa causacui tucui punzhacunami paicunaca jatun mandac-huan causarca.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.