1 SAMUEL 20:5 - Dios Rimashcata Quillcashcami

⁵ Chashna nicpimi Davidca Jonatantaca: —Riqui, cayaca llullu quillami. Ñuca jatun mandac-huanmi micungapac tiyarina cani. Ashtahuanpish canca quimsa punzhacaman pambapi ñuca miticugrichun saquingui.

1 SAMUEL 20:5 Iomraidhean Croise

2 REYES 4:23

Shina nicpimi, paipac cusaca: —Cunanca, mana llullu quillapish, mana samana punzhapish canchu. ¿Imapactac paita ricungapac rigringui?— nirca. Shina nicpi, chai huarmica: —Chaimanta ama mancharichu— nirca.

SALMOS 55:12

Ñucata piñac runa ñucata llaquichishca cacpica, llaquita apaimanllami carcani. Ñucata mana ricunayachic llaquichingapac jatarishca cacpica, miticuimanllami carcani.

SALMOS 81:3

Llullu quilla punzhacunapipish, entero quilla punzhacunapipish cornetapi tocaichic. Chai punzhacunaca yallita cushicuna punzhacunami.

PROVERBIOS 22:3

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

NÚMEROS 10:10

Cushicuna punzhacunapipish, quilla callari punzhacunapipish, imata yuyarina punzhacunapipish ñucahuan alli tucungapac animalcunata huañuchishpa, ofrendata tucui rupachishpaca trompetacunapi tocanguichic. Shina ruhuacpimi, Mandac Dios ñucaca cancunata yuyarisha. Ñucami cancunata Mandac Dios cani» nirca.

NÚMEROS 28:11

Cada quilla callaripi ima mana tucushca ishcai becita, shuc cari ovejata, shuc huatayuc canchis cari ovejata tucui rupachinguichic.

SAN JUAN 8:59

Shina nicpimi, paicunaca rumihuan shitangapac rumicunata japircacuna. Ashtahuanpish Jesusca miticushpami, Diosta mañana huasimanta llucshishpa rirca.

HECHOS 17:14

Chaimantami criccunaca utca Pablotaca mama cucha pataman maijan criccunahuan cacharca. Silaspish, Timoteopish Berea pueblollapitacmi saquirirca.

COLOSENSES 2:16

Chaimanta cancunataca imata micushcamanta, ubiashcamanta, mana cashpaca fiesta punzhacunapi, llullu quilla punzhacunapi, samana punzhacunapi imata ruhuacushcamanta ama pi juchanchichun.

1 SAMUEL 19:2

Chaimantami Davidman huillachun cachashpaca: —Ñuca taita Saulca canta huañuchisha nicunmi. Chaimanta cuidarishpa, caya tutamanta pacallapi miticugri.

1 SAMUEL 20:18

Chai quipami Jonatanca: —Cayaca llullu quilla cacpimi, micunata ruhuanga. Cambac tiyarina chushaclla cacpica, cantaca piñangami.

1 SAMUEL 20:19

Quimsa punzhata miticungui. Quipataca utcapi llaquihuan cashpa ima shina miticurcangui, chaillamantac utca rishpa, Ezel rumi huashapi shuyangui.

1 SAMUEL 20:24

Chai quipaca Davidca pambapimi miticungapac rirca. Ña llullu quilla chayacpica jatun mandac Saulca micungapacmi tiyarirca.

1 SAMUEL 20:27

Llullu quilla cayandi punzhapish Davidpac tiyarina chushaclla cacpimi, Saulca paipac churi Jonatantaca: —¿Ima nishpatac Isaipac churica cainapish, cunanpish micungapacca mana shamun?— nishpa tuparca.

1 SAMUEL 20:4

Shina nicpimi, Jonatanca Davidtaca: —Shinashpaca ¿imatatac canmantaca ruhuachun ningui?— nirca.

1 SAMUEL 20:6

Cambac taita ñucata tapucpica: “Paipac tucui familiacunami Belén pueblopi Diosman animalta cushpa huañuchishpa huatanta fiestata ruhuanata yachan. Chai puebloman ringapacmi ñucata saqui” nishpa mañarca ningui.