1 SAMUEL 2:9 - Dios Rimashcata Quillcashcami

⁹ Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.

1 SAMUEL 2:9 Iomraidhean Croise

JOB 18:18

Achicyachicmanta llucchishpa, amsapi shitashcami canga. Cai pachamantapish llucchishpa, cachashcami canga.

JOB 40:13

Tucui mashnata allpahuan enterraiyari. Ñahuicuna ama ricuchunpish amsapi huichcaiyari.

JOB 5:16

Imata mana charicca Diosllapimi shunguta churan. Ashtahuanpish mana allita ruhuashcaca shimitami huichcan.

JOB 5:24

Cambac huasipi sumac cushilla cashcatapish yachanguimi. Cambac causana huasipi ricungapac yaicucpica, imapish mana illangachu.

SALMOS 1:6

Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

SALMOS 105:37

Pai acllashcacunataca cullquindi, curindimi llucchirca. Paicunapac aillupica ungushcaca shucllapish mana tiyarcachu.

SALMOS 121:3

Cambac chaqui lluchcarichunca mana saquingachu. Canta cuidacca mana sueñungachu.

SALMOS 121:5

Mandac Diosmi cantaca huacaichicun. Mandac Diosmi cambac alli ladopi shayarishpa llandunga.

SALMOS 121:8

Can yaicucpipish, llucshicpipish Mandac Diosmi cuidanga. Cunanmanta huiñaicamanmi cuidanga.

SALMOS 145:20

Mandac Diosca tucui paita cuyaccunataca cuidanmi. Ashtahuanpish paita mana manchaccunataca tucuitami tucuchinga.

SALMOS 31:17

Mandac Dioslla, cantaca mañacunimi. Pingaichishca cachunca amatac saquinguichu. Canta mana manchaccunaca pingaichishca cachun. Seolpi upalla cachuncuna.

SALMOS 37:28

Mandac Diosca imatapish allita ruhuactaca cuyanmi. Paita caticcunataca mana shitashpa saquingachu. Tucui causaipimi huacaichinga. Ashtahuanpish paita mana manchaccunapac huahuacunataca tucuchingami.

SALMOS 94:18

Ñuca: «Mandac Dioslla, ñuca chaquica lluchcaricunmi» nicpica, canmi llaquishpa charic carcangui.

SALMOS 97:10

Mandac Diosta cuyaccunaca millaita ruhuanata piñaichicyari. Paipaclla causaccunapac almata cuidashpami paita mana manchaccunapac maquimanta quishpichin.

PROVERBIOS 16:9

Imata ruhuanataca gentecunami shungupi yuyarin. Shina cacpipish Mandac Diosmi paicuna ruhuana cashcataca pushan.

PROVERBIOS 2:8

Cashcata ruhuashpa causaccunata cuidashpami, paipaclla causaccunapac ñantapish huacaichin.

PROVERBIOS 3:26

Mandac Diosmi canhuan canga. Paimi cambac chaqui tucllapi urmagricucpipish cuidanga.

ECLESIASTÉS 5:17

Chaipac jahuapish paipac tucui causai punzhacunapimi llaquihuan, nanaihuan yallita imatapish ruhuashpa, pura tutapi shina micun.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

ISAÍAS 27:3

Chai chagrataca Mandac Dios ñucami cuidashpa, yacutapish punzhanta churasha. Pipish ama yaicushpa dañachunmi punzhapish, tutapish cuidasha.

ISAÍAS 47:5

«Caldeocunapac ushilla, cantaca mana ashtahuan “Llactacunata mandac huarmi” ningachu. Chaimanta amsa tutaman yaicushpa, upalla tiyarilla.

JEREMÍAS 8:14

Gentecunaca: «¿Imapactac caipi tiyacunchiclla? Mandac Diosca ñucanchicta huañuchicunmi. Chaimanta tandanacushpa, muyundita jatun pircashca llactaman yaicushpa, chaipi huañushunchic. Juchata ruhuashpami, Mandac Diosta piñachishcanchic. Chaimantami paica yacuta venenohuan chapushpa ubiachishca.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

NAHÚM 1:8

Ashtahuanpish paita mana ricusha niccunataca jatun yacu tucuchic shinami tucuchin. Paita piñaccunataca pura tutami catishpa tucuchinga.

SOFONÍAS 1:15

Dios piñarishpa tucuchi punzhaca llaqui, huacai, nanai, caparinacui, punzhami canga. Chai punzhaca pura tuta, puyuhuan tapashca amsami canga.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

NÚMEROS 6:24

“Mandac Dios bendiciashpa punzhanta cuidachun.

SAN MATEO 8:12

Ashtahuanpish Dios mandacucman yaicungapac caccunaca, canzhapimi, purapi huacaihuan quiru caniringa— nirca.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

DEUTERONOMIO 33:3

Pai acllashcacunataca cuyacunmi. Paipaclla cachun chicanyachishcacunataca cuidacunmi. Paicunaca can munashca shinami mandashcacunatapish cazurca.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

2 PEDRO 2:17

Chai pandata yachachiccunaca yacu illac jundu, shinallatac puyuta huaira apashca shinacunami. Shina cashpami, paicunaca huiñaicaman jatun amsapi shitashca cangapac cancuna.

SAN JUDAS 1:1

Jesucristopacta ruhuac, Santiagopac huauqui Judasmi, Dios cuyashpa cayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

SAN JUDAS 1:3

Cuyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita catina cacpimi, caita quillcani.

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.