1 SAMUEL 2:3 - Dios Rimashcata Quillcashcami

³ Ama sinchi rimaicunata rimaichicchu. Mandac Diosca tucuita yachac Diosmi. Ama cancunallatac alli cashcataca yuyaichicchu. Paimi ima ruhuashcatapish, pezac shina ricucun.

1 SAMUEL 2:3 Iomraidhean Croise

1 REYES 8:39

Shina mañacpica, can causana jahua pachapi uyashpami, paicunapac juchacunata perdonangui. Shina perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui. Canllami yachangui.

JOB 31:6

Dios cashcatatac pezac balanzapi pezashpa ñuca ima pandata ruhuashcata ricuchun.

SALMOS 147:5

Ñucanchic Diosca tucuita ruhuac jatun Diosmi. Paipac yachaica mana tucuripacmi.

SALMOS 17:10

Chaicunaca huira tapashca shungucunami. Jatun tucushpami imatapish rimancuna.

SALMOS 31:18

Cashcata ruhuac runataca jatun tucushpami, piñashpa maipish cachun camincuna. Chai llullaccunaca upayashca saquirichun.

SALMOS 44:21

ñucanchic shungu yuyashcatapish yachac Diosca ¿manachu llaquichinman carca?

SALMOS 75:5

¡Ama yallita cari tucushca caichicchu. Ama pingai illac shina maipish cachun rimaichicchu!» ninmi.

SALMOS 94:4

Paicunaca millaita ruhuaccunami. Capariccuna, jatun tucushcacunami. ¿Maicamantac millaita ruhuashpa cushicuchun saquinguiyari?

PROVERBIOS 16:2

Runapac yuyaipica pai tucui ruhuashcacunami alli ricurin. Ashtahuanpish Mandac Diosmi chai yuyaitaca pezac shina ricucun.

PROVERBIOS 24:12

Can: «Chaitaca manatac yachashcanichu» nicucpipish, ¿tucuipac shunguta pezashpa ricuc Diosca manachu yachanga? Cambac causaita ricuc Diosmi chaitaca yachan. Runacunamanca paicuna imata ruhuashca shinallatacmi cunga.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

ISAÍAS 26:7

Cashcata ruhuacpac causaica jucha illacmi. Canca cashcata ruhuac Dios cashpami, cashcata ruhuaccunapac causaita ricucungui.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

EZEQUIEL 35:13

Canca ñucata piñashpami, yallita rimarircangui. ¡Chaitaca ñucallatacmi uyarcani!

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

DANIEL 5:27

TEKEL nishpaca balanzapi pezacpica, faltayucmi llucshishcangui nisha ninmi.

MALAQUÍAS 3:13

Cancunaca yallita mana alli nishpami, ñucataca rimarcanguichic. Shina rimashpapish: “¿Ima mana allitatac cantaca rimarcanchic?” ninguichicmi.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

JOSUÉ 22:22

—Mandac Diosca dioscunapac Diosmi. Ñucanchic chai altarta imapac ruhuashcataca paimi yachan. Ñucanchicca mana paita catinata saquishcamanta, mana paita mana cazushcamantachu cai jatun altarta ruhuashcanchic. Chaica caicunatami israelcunamanca huillanchic. Mana chashna cacpica, ama ñucanchicta quishpichinguichicchu.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

JUECES 9:38

Shina nicpimi Zebulca: —¡Cunan sarun cari tucushpa nicushcataca niyari! Sarunca: “¿Ñucanchic servingapac Abimelecca pitacyari?” nircanguimi. ¿Manachu: “Cai gentecuna mana imachu” nicurcangui? ¡Cunanca chai soldadocunahuan macanacungapac llucshiyari!— nirca.

1 SAMUEL 16:7

Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.