1 SAMUEL 2:1 - Dios Rimashcata Quillcashcami

¹ Ana Diosta mañashpaca: «Ñuca shunguca Mandac Diospimi cushicun. Mandac Diosmantami ñucaca imatapish ruhuaclla cani. Can quishpichishcamanta cushicushpami, ñuca shimipish ñucata piñaccunata rimangapac pascarirca.

1 SAMUEL 2:1 Iomraidhean Croise

2 CRÓNICAS 20:27

Paicunata piñaccuna llaquichicucpi, Mandac Dios ayudashcamantami Judá llactapi, Jerusalenpi causac tucui soldadocunaca Josafattaca ñaupachishpa cushicuihuan Jerusalenman cutimurcacuna.

NEHEMÍAS 11:17

Mataniasca Micaiaspac churi, Micaiaca Zabdipac churi, Zabdica Asafpac churimi carca. Paimi Diosta alli nishpa cantana horaspica pushashpa cantac carca. Bacbuquiasca quipa mandacmi carca. Abdaca Samuapac churi, Samuaca Galalpac churi, Galalca Jedutunpac churimi carca.

JOB 16:15

Sharpa churanataca llutac shinami ñuca cuerpopi churarircani. Ñuca umataca ñuto allpapimi pambarcani.

SALMOS 118:14

Mandac Diosmi ñucata sinchiyachicpish, ñucata quishpichicpish ñuca cantana Diospish can.

SALMOS 13:5

Ashtahuanpish ñucaca can llaquic cashcatami yuyacuni. Can quishpichic cashcamantami ñuca shunguca cushicun.

SALMOS 148:14

Paimi, pai acllashcacunapac mandanatapish sinchiyachin. Diosta tucui caticcuna paita alabachun. Israelcunapish, paicunapac cuchullapi causaccunapish paita alabaichicyari. ¡Mandac Diostaca alabaichicyari!

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

SALMOS 20:5

Can quishpichishcamantami ñucanchicca cushicushun. Can mishachishcamantami cambac shutipi banderata alzashpa yallita cushicuchun. Mandac Dios can tucui munashca pactachun.

SALMOS 21:2

Paipac shungu munashcatapish, paipac shimihuan mañashcatapish cushcanguimi.

SALMOS 35:9

Chashna cacpimi, ñucaca Mandac Dios-huan cushicusha. Pai quishpichishcamantami ñucaca yallita cushicusha.

SALMOS 51:15

Jatun Dioslla, ñuca shimita pascaiyari. Chaipica, tucuipac ñaupapimi alli nishpa cantasha.

SALMOS 71:8

Ñuca shimica canta alabana rimaicunallahuan cachun. Punzhanta can sumaimana cashcata huillachun.

SALMOS 75:10

Paimi millaita ruhuaccuna mandacucta chingachinga. Ashtahuanpish cashcata ruhuac mandactaca ashtahuanmi cushichin.

SALMOS 89:17

Canmi sumaimanapish, sinchiyachicpish cangui. Can yallita cuyashpami ñucanchic mandanataca sinchiyachingui.

SALMOS 89:18

¡Mandac Diosca ñucanchic jarcarina escudomi! ¡Ñucanchic Jatun Mandacca israelcunapac jucha illac Diosmi!

SALMOS 89:24

Ñucaca cashcata ruhuashpami paitaca llaquicushalla. Ñuca shutimantami paica poderta charinga.

SALMOS 9:14

Chashna ruhuacpimi, Sión pungupi canta alabana cashcata tucuiman huillashpa, can quishpichic cashcamantaca yallita cushicusha.

SALMOS 92:10

Shina cacpipish canca sacha huagrata shinami ñucataca sinchiyachingui. Ashtahuan alli aceitehuanmi cahuishca casha.

ÉXODO 15:1

Chaimanta Moisespish, israelcunapish Mandac Diosta cantashpaca: «Mandac Diosca caballocunatapish, caballopi ric soldadocunatapish, cuchapi shitashpami paipac poderta ricuchishca. ¡Chaimantami paita alli nisha!

ÉXODO 15:21

Chashna cantashpami Mariaca: «¡Mandac Diosta cantaichic! ¡Paipac poderta ricuchishpami, carretacunapish, caballocunapi ric soldadocunatapish, cuchapi ucuyachirca!» nirca.

HABACUC 3:1

Dios ima nishcata huillac Habacucca llaquillata cantashpami, Diosta mañarca.

HABACUC 3:18

ñucaca Mandac Dios-huanmi cushicusha. Quishpichic Mandac Dios-huanmi yallita cushicusha.

SAN LUCAS 1:69

Diosta servic Davidpac huahua huahuapuramanta, imatapish ruhuaclla Quishpichicta cachashca.

ROMANOS 5:11

Shinallatac Apunchic Jesucristomanta Dios-huan alli tucushcamantapishmi Diosmanta yallita cushicunchic.

DEUTERONOMIO 33:17

Punta huacharishca huagra shina sumaimana cachun. Sacha huagrapac gachu shina fuerzasapami. Chai fuerzahuanmi shuctac llactacunataca cai pacha tucuricaman catishpa cachanga. ¡Efrainpac huahua huahuacunapish, Manasespac huahua huahuacunapish huaranga huarangami canga!» nirca

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

FILIPENSES 4:4

¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

1 SAMUEL 1:6

Mandac Diosllatac Ana huahuata mana charichun saquishcamantami paita piñac huarmica yallita rimashpa llaquichic carca.

1 SAMUEL 1:7

Chashnami huatanta Mandac Diospac huasiman rishpa, Peninaca Anataca yallita llaquichic carca. Chaimantami Anaca huacashpalla mana micuc carca.