1 SAMUEL 19:9 - Dios Rimashcata Quillcashcami

⁹ Mandac Dios cachashca shuc millai espíritu shamushpami Saultaca cutin japirca. Saulca paipac huasipimi lanzata maquipi charicurca. Cutin Davidca arpapimi tocacurca.

1 SAMUEL 19:9 Iomraidhean Croise

1 REYES 22:22

Shina nicpi, chai espirituca: ‘Ñuca rishpaca, paipac tucui huillaccunapimi llullashpa huillana yuyaita churasha’ nirca. Shina nicpimi, Mandac Diosca: Canca umanguimi, can nishca shinata ruhuangapac rilla” nirca.

1 SAMUEL 16:14

Mandac Diospac Espirituca Saulmanta anchurircami. Mandac Dios cachashca mana alli espiritumi Saultaca llaquichicurca.

1 SAMUEL 16:15

Shina cacpimi, Saulta serviccunaca: —Riqui, Dios cachashca mana alli espiritumi cantaca llaquichicun.

1 SAMUEL 16:16

Ñucanchicta mandaclla, cambac ñaupapi cac canta serviccunata arpapi tocanata yachacta mashcachun cachai. Dios cachashca mana alli espíritu cambacman shamucpi, pai tuparicpica, canca alli tucunguimi— nirca.

1 SAMUEL 19:8

Cutinllatac filisteocuna macanacungapac shamucpimi, Davidca paicunahuan macanacungapac llucshirca. Paicunata atishpa achca gentecunata chugrichishpa huañuchicpimi, paipac ñaupamanta miticushpa callparcacuna.

1 SAMUEL 22:6

Saulca Gabaa urcu lomapi tiyac tamarisco yura ucupimi lanzata apashpa tiyacurca. Paita tucui serviccunaca muyundimi shayacurcacuna. Chaipi cashpami, Saulca Davidtapish, paihuan caccunatapish maita ricushcata yachac chayarca.